واشنگٹن: امریکی عدالت نے جنسی ہراسگی کے کیس میں نومنتخب صدر ڈونلڈ ٹرمپ پر 50 لاکھ ڈالر کا جرمانہ برقرار رکھنے کا فیصلہ دیا ہے۔
غیر ملکی میڈیا کے مطابق، فیڈرل اپیل کورٹ نے جنسی ہراسگی کے کیس میں ٹرمپ پر عائد 50 لاکھ ڈالر جرمانے کا حکم برقرار رکھا۔ یہ کیس 1996 میں نیو یارک کے مین ہٹن میں ایک ڈیپارٹمنٹل اسٹور میں پیش آیا تھا، جہاں رائٹر اور صحافی ای جین کیرول نے ٹرمپ پر جنسی طور پر ہراساں کرنے کا الزام عائد کیا تھا۔
نیویارک کی جیوری نے گزشتہ سال نو دن کی سماعت کے بعد ٹرمپ کو مجرم قرار دیتے ہوئے 5 ملین ڈالر جرمانہ عائد کیا تھا۔ ٹرمپ نے الزامات کی تردید کی تھی اور فیصلے کے خلاف اپیل کی تھی، جو کہ فیڈرل کورٹ نے مسترد کر دی۔
اس سے قبل، عدالت نے ایک علیحدہ مقدمے میں بھی ٹرمپ کو کیرول کو 83 ملین ڈالر ادا کرنے کا حکم دیا تھا۔
Leave a Reply