**واٹس ایپ کی جانب سے پرانے اینڈرائیڈ فونز کے لیے سپورٹ ختم کرنے کا اعلان**

اگر آپ 10 سال پرانا اینڈرائیڈ فون استعمال کر رہے ہیں تو یہ آپ کے لیے اہم خبر ہو سکتی ہے! میٹا نے اعلان کیا ہے کہ یکم جنوری 2025 سے اینڈرائیڈ کٹ کیٹ (اینڈرائیڈ 4.4) اور اس سے پہلے کے آپریٹنگ سسٹمز پر چلنے والے فونز پر واٹس ایپ کی سپورٹ ختم کر دی جائے گی۔

اس کا مطلب یہ ہے کہ وہ تمام فونز جو اس تاریخ سے قبل اینڈرائیڈ کٹ کیٹ یا اس سے پہلے کے آپریٹنگ سسٹمز پر چل رہے ہوں گے، وہ واٹس ایپ استعمال نہیں کر سکیں گے۔ میٹا نے اپنے صارفین کو جدید فیچرز فراہم کرنے کے لیے ایپ کے یوزر انٹرفیس اور پرائیویسی سیٹنگز کو مسلسل اپڈیٹ کیا ہے، جس کے لیے تازہ ترین آپریٹنگ سسٹمز کی ضرورت ہے۔

یہ فیصلہ میٹا کی جانب سے زیادہ جدید فیچرز، بشمول آرٹیفیشل انٹیلی جنس (AI) پر مبنی فیچرز کی ضرورت کو مدنظر رکھتے ہوئے کیا گیا ہے، جو پرانے ہارڈ ویئر کے ساتھ ہم آہنگ نہیں ہو سکتے۔

یکم جنوری 2025 سے جن فونز پر واٹس ایپ نہیں چلے گا، ان میں شامل ہیں:
– **سام سنگ**: گلیکسی ایس 3، ایس نوٹ 2، گلیکسی ایس 3، گلیکسی ایس 4 منی
– **موٹرولا**: موٹو جی (فرسٹ جنریشن)، ریزر ایچ ڈی، موٹو ای 2014
– **ایچ ٹی سی**: ون ایکس، ون ایکس پلس، ڈیزائر 500، ڈیزائر 601
– **ایل جی**: آپٹیمس جی، نیکسز 4، جی 2 منی، ایل 90
– **سونی**: ایکسپیریا زی، ایکسپیریا ایس پی، ایکسپیریا ٹی، ایکسپیریا وی

اگر آپ ان فونز میں سے کوئی استعمال کر رہے ہیں، تو آپ کو اپنے واٹس ایپ ڈیٹا کو ایک نئی ڈیوائس پر منتقل کرنا ہوگا۔ بصورت دیگر، یکم جنوری کے بعد آپ کا تمام میڈیا اور چیٹ ہسٹری ڈیلیٹ ہو جائے گا۔

یہ فیصلہ اس لیے بھی کیا گیا کیونکہ واٹس ایپ کے نئے فیچرز اور سیکیورٹی اپڈیٹس پرانے آپریٹنگ سسٹمز پر کام نہیں کر سکتے، اس لیے ان فونز کے لیے سپورٹ ختم کر دی جائے گی۔