ترکیہ میں غزہ کی حمایت میں بڑی ریلی

استنبول: ترکیہ میں سال نو کی پہلی صبح غزہ کے فلسطینیوں کی حمایت میں ایک بڑی ریلی نکالی گئی جس میں ہزاروں افراد نے شرکت کی۔ یہ ریلی غزہ میں اسرائیلی مظالم کے خلاف اور فلسطینیوں کے حق میں نکالی گئی تھی۔

ریلی کا انعقاد ترکیہ یوتھ فاؤنڈیشن نامی تنظیم نے کیا، اور اس کا عنوان “دنیا کو بیدار کرنا” (Awakening the World) تھا۔ ترکیہ کے مختلف شہروں سے لوگ اس احتجاجی مارچ میں شریک ہوئے، جنہوں نے استنبول کی آيا صوفیہ مسجد میں فجر کی نماز ادا کرنے کے بعد گالاتا پل کی طرف مارچ کیا۔

شرکاء نے غزہ میں اسرائیلی جارحیت کی شدید مذمت کی اور اس کے فوری خاتمے کا مطالبہ کیا۔ اس ریلی نے عالمی برادری کو فلسطینیوں کے حقوق کے بارے میں آگاہ کرنے اور ان کے حق میں آواز بلند کرنے کی کوشش کی۔