حکومتی مذاکراتی کمیٹی کا پی ٹی آئی کے ساتھ ملاقات میں ناکامی کا اعتراف

حکومتی مذاکراتی کمیٹی کے ترجمان سینیٹر عرفان صدیقی نے تسلیم کیا ہے کہ حکومت پی ٹی آئی مذاکراتی کمیٹی کی عمران خان سے ملاقات کا وعدہ پورا نہیں کر سکی۔ جیو نیوز کے پروگرام میں بات کرتے ہوئے عرفان صدیقی نے کہا کہ وعدے کو عملی جامہ پہننا چاہیے تھا تاکہ باتوں میں وزن آئے۔ انہوں نے وضاحت کی کہ پی ٹی آئی کی شرائط اور مطالبات کی فہرست کی وجہ سے ملاقات میں مشکلات پیش آئیں۔ سینیٹر عرفان صدیقی نے کہا کہ حکومت کا مقصد ایسی انڈراسٹینڈنگ قائم کرنا ہے تاکہ آئندہ کسی بھی جماعت کو اسلام آباد آنے کے لیے ایک واضح طریقہ کار مل سکے۔