کراچی سے بیرون ملک جانے والے 35 مسافروں کو آف لوڈ کر دیا گیا

کراچی سے بیرون ملک جانے والے 35 مسافروں کو آف لوڈ کر دیا گیا ہے، جن میں مختلف وجوہات کی بنا پر سفر کرنے کی اجازت نہیں دی گئی۔ ایف آئی اے ذرائع کے مطابق، 18 مسافروں کو عمرہ ویزے پر سعودی عرب جاتے ہوئے ایڈوانس ہوٹل بکنگ اور اخراجات کے لیے مناسب رقم نہ ہونے پر آف لوڈ کیا گیا۔

اسی طرح، 3 مسافروں کو ورک ویزا پر سعودی عرب جاتے ہوئے آف لوڈ کیا گیا، جبکہ 3 افراد کو امارات جانے سے روک لیا گیا کیونکہ ان کے پاس ایڈوانس ہوٹل بکنگ اور اخراجات کے لیے مناسب رقم نہیں تھی۔ ملائیشیا جانے والے ایک مسافر کو ویزا پروٹیکٹر نہ ہونے اور دیگر وجوہات پر آف لوڈ کیا گیا۔

اس کے علاوہ، 4 افراد کو پرسنل وزٹ ویزا پر سعودی عرب جاتے ہوئے آف لوڈ کیا گیا، اور ایک خاتون فیملی ویزا سے متعلق دستاویزات نہ ہونے کی بنا پر آف لوڈ کی گئی۔ ایک مسافر کو ٹورزم ویزے پر ترکیہ جاتے ہوئے ایڈوانس ہوٹل بکنگ اور مناسب فنڈز نہ ہونے پر آف لوڈ کیا گیا۔