آصفہ بھٹو زرداری کی ایم کیو ایم کی رکن قومی اسمبلی رعنا انصار سے اظہارتعزیت

اسلام آباد: رکن قومی اسمبلی بی بی آصفہ بھٹو زرداری نے ایم کیو ایم کی رکن قومی اسمبلی رعنا انصار سے ملاقات کی اور ان کے جواں سال صاحبزادے زیب نقوی کے المناک حادثے میں انتقال پر اظہار تعزیت کیا۔بی بی آصفہ بھٹو زرداری نے ٹریفک حادثے میں جاں بحق ہونے والے مرحوم صحافی انصار نقوی کے سب سے چھوٹے صاحبزادے زیب نقوی کے بلند درجات کے لیے دعا کی۔انہوں نے رعنا انصار سے گفتگو کرتے ہوئے کہا کہ جوان سال صاحبزادے سے جدائی ایک ناقابل فراموش سانحہ ہے۔بی بی آصفہ بھٹو زرداری نے دعا کی کہ خدا آپ کو اس عظیم صدمے کو برداشت کرنے کے لیے صبر جمیل عطا فرمائے۔