آصفہ بھٹو کی فرحت اللہ بابر سے ملاقات، بھائی کے انتقال پر تعزیت

اسلام آباد: پاکستان پیپلزپارٹی کی رکن قومی اسمبلی بی بی آصفہ بھٹو زرداری نے پی پی پی ہیومن رائٹس سیل کے سربراہ اور سابق سیکریٹری جنرل فرحت اللہ بابر کی رہائش گاہ پر ان سے ملاقات کی۔بی بی آصفہ بھٹو زرداری نے فرحت اللہ بابر سے ان کے بھائی نعمت اللہ عابد کے انتقال پر گہرے رنج و غم کا اظہار کیا اور مرحوم کے درجات کی بلندی کے لیے فاتحہ خوانی کی۔انہوں نے اس موقع پر مرحوم کے لواحقین کے صبر جمیل کے لیے بھی دعا کی اور کہا کہ دکھ کی اس گھڑی میں وہ ان کے ساتھ ہیں۔بی بی آصفہ بھٹو زرداری کے ساتھ پیپلزپارٹی کی مرکزی سیکریٹری اطلاعات شازیہ مری، شعبہ خواتین سندھ کی صدر شگفتہ جمانی، اور رکن قومی اسمبلی سحر کامران نے بھی فرحت اللہ بابر سے تعزیت کی اور ان کے بھائی کے انتقال پر افسوس کا اظہار کیا۔