اسلام آباد ہائیکورٹ میں دو ایڈیشنل ججز کی تعیناتی، حلف برداری 20 جنوری کو ہوگی

اسلام آباد: اسلام آباد ہائیکورٹ میں دو ایڈیشنل ججز کی تعیناتی کا نوٹیفکیشن جاری کر دیا گیا۔ صدر مملکت آصف علی زرداری کی منظوری کے بعد وزارت قانون نے نوٹیفکیشن جاری کیا۔نوٹیفکیشن کے مطابق راجہ انعام امین منہاس اور اعظم خان کو اسلام آباد ہائیکورٹ میں ایک سال کے لیے ایڈیشنل جج تعینات کیا گیا ہے۔ ان دونوں ججز کی تقریب حلف برداری 20 جنوری 2025 بروز پیر کو ہوگی۔چیف جسٹس اسلام آباد ہائیکورٹ عامر فاروق تقریب کے دوران دونوں ججز سے حلف لیں گے۔ محمد اعظم خان اور راجہ انعام امین منہاس اس تقریب میں اپنے عہدے کا حلف اٹھائیں گے۔وزارت قانون کے مطابق یہ تعیناتیاں ہائیکورٹ میں انصاف کے عمل کو مؤثر بنانے کے لیے کی گئی ہیں۔ نئی تعیناتیوں سے اسلام آباد ہائیکورٹ کی کارکردگی میں مزید بہتری کی توقع کی جا رہی ہے۔