وزیراعلیٰ پنجاب کی جاپانی سرمایہ کاروں کو ہر ممکن سہولیات فراہم کرنے کی یقین دہانی

لاہور: جاپان کے سفیر اکاماتسو شوئچی نے آج لاہور میں وزیراعلیٰ پنجاب مریم نواز شریف سے ملاقات کی۔ملاقات کے دوران دونوں رہنماؤں نے دونوں ممالک کے درمیان اقتصادی تعاون بڑھانے کے مختلف طریقوں پر بات چیت کی۔دونوں جانبین نے باہمی تعلقات، تجارتی تعاون اور مختلف شعبوں میں سرمایہ کاری کے فروغ پر زور دیا۔وزیراعلیٰ پنجاب مریم نواز شریف نے کہا کہ صوبے میں جاپانی سرمایہ کاروں کو ہر ممکن سہولت فراہم کی جائے گی۔انہوں نے کہا کہ حکومت جاپان کے ساتھ زراعت، معدنیات، اطلاعاتی ٹیکنالوجی، مصنوعی ذہانت، روبوٹکس اور توانائی کے شعبوں میں تعاون چاہتی ہے۔