وزیراعظم شہباز شریف کی جاتی امراء میں نواز شریف سے ملاقات، اہم قومی امور پر مشاورت

لاہور: وزیراعظم محمد شہباز شریف نے جاتی امراء، لاہور میں مسلم لیگ (ن) کے قائد محمد نواز شریف سے ملاقات کی۔ ملاقات میں ملک کے اہم سیاسی اور قومی معاملات پر تفصیلی تبادلہ خیال کیا گیا۔وزیراعظم نے نواز شریف کو ملک کی موجودہ سیاسی و معاشی صورتحال سے آگاہ کیا اور اہم قومی امور پر مشاورت کی۔ ملاقات کے دوران وزیراعظم نے کہا کہ حکومت کی کوششوں سے ملک کی معاشی بدحالی کے خاتمے کےلیے اقدامات کے مثبت نتائج سامنے آئے ہیں، اور مہنگائی کے گراف میں نمایاں کمی ہوئی ہے۔مسلم لیگ (ن) کے صدر محمد نواز شریف نے مہنگائی میں کمی اور عوام کو ریلیف کی فراہمی کے حکومتی اقدامات پر اطمینان کا اظہار کیا۔ انہوں نے حکومت کی جانب سے معاشی حالات کو بہتر بنانے کے لیے کی جانے والی کاوشوں کو سراہا۔ملاقات میں دونوں رہنماؤں نے عوامی فلاح و بہبود اور قومی ترقی کے ایجنڈے پر اتفاق کیا اور مستقبل کے لیے مزید اہم فیصلے کرنے پر غور کیا۔