اسلام آباد: آئل اینڈ گیس ریگولیٹری اتھارٹی (اوگرا) نے فیڈرل بورڈ آف ریونیو (ایف بی آر) اور آئل کمپنیز ایڈوائزری کونسل (او سی اے سی) کے تعاون سے ایک موبائل ایپلی کیشن ’’راہگزر‘‘ لانچ کر دی ہے۔ یہ ایپ جغرافیائی معلوماتی نظام (GIS) ٹیکنالوجی کے ذریعے صارفین کو ملک بھر میں قانونی پیٹرول پمپس اور آؤٹ لیٹس کی نشاندہی میں مدد فراہم کرتی ہے۔’’راہگزر‘‘ ایپ ایک آسان اور صارف دوست پلیٹ فارم مہیا کرتی ہے جس کے ذریعے صارفین، ضلعی حکومتیں اور قانون نافذ کرنے والے ادارے غیر قانونی آؤٹ لیٹس یا “ڈبہ اسٹیشنز” کی شناخت کر سکتے ہیں۔ صارفین ایپ کے ذریعے غیر قانونی آؤٹ لیٹس، زیادہ قیمت وصولی یا معیار سے متعلق شکایات درج کر سکتے ہیں، جس سے شفافیت کو فروغ ملے گا اور تمام فریقین کو بااختیار بنایا جائے گا۔ایپ قانونی پیٹرول پمپس کی لوکیشنز کے ساتھ ساتھ موجودہ پیٹرول اور ڈیزل کی قیمتیں بھی دکھاتی ہے، تاکہ صارفین کو مکمل معلومات دستیاب ہوں۔
Leave a Reply