جوڈیشل کمیشن کے بغیر چوتھی مذاکراتی نشست میں شرکت نہیں کریں گے، پی ٹی آئی

اسلام آباد: پاکستان تحریک انصاف نے اعلان کیا ہے کہ جوڈیشل کمیشن کے قیام کے بغیر چوتھی مذاکراتی نشست میں شرکت نہیں کی جائے گی۔میڈیا سے گفتگو کرتے ہوئے پی ٹی آئی کی مذاکراتی کمیٹی کے رکن حامد رضا نے کہا کہ حکومت اصولی طور پر جوڈیشل کمیشن کے قیام کا اعلان کرے، جس کے بعد ٹی او آرز کے تعین کے لیے میٹنگ ہو سکتی ہے۔چیئرمین پی ٹی آئی بیرسٹر گوہر نے کہا کہ مطالبات پر پیشرفت ہونے پر ہی چوتھی میٹنگ ممکن ہوگی، بصورت دیگر اس میں شرکت نہیں کریں گے۔اپوزیشن لیڈر عمر ایوب نے وزیراعظم کی آمد پر قومی اسمبلی کے اجلاس میں تاخیر کی مذمت کرتے ہوئے کہا کہ اجلاس ایک گھنٹہ تاخیر سے شروع کیا گیا، جو قابل افسوس ہے۔رہنما پی ٹی آئی علی محمد خان نے کہا کہ بانی پی ٹی آئی کے خلاف جھوٹے کیسز بنائے گئے ہیں، جو سیاسی انتقام کا واضح ثبوت ہیں۔