سعودی حکومت کی طرف سے پاکستانیوں کیلئے 20ٹن کھجوروں کا عطیہ

اسلام آباد: سعودی عرب نے 1446ہجری کے لیے پاکستان کے لیے “خادم الحرمین الشریفین شاہ سلمان بن عبدالعزیز کا افطار اور کھجوروں کی تقسیم پروگرام” شروع کر دیا ہے۔وزیر برائے مذہبی امور اور بین المذاہب ہم آہنگی چوہدری سالک حسین اور سعودی سفیر نواف بن سعید المکی نے آج اسلام آباد میں پروگرام کا آغاز کیا۔پروگرام کے تحت 20 ٹن کھجوریں 40,000 مستحق افراد میں تقسیم کی جائیں گی، جبکہ 30,000 افراد افطار پروگرام سے مستفید ہوں گے۔اس موقع پر سعودی سفیر نے کہا کہ خادم الحرمین الشریفین کا افطار پروگرام اور کھجوروں کا تحفہ رمضان بھر پاکستان بھر میں جاری رہے گا۔چوہدری سالک حسین نے سعودی عرب کا شکریہ ادا کیا اور وزیراعظم شہباز شریف، حکومت پاکستان اور عوام کی جانب سے سعودی عرب کا شکریہ ادا کیا جو پاکستان میں ضرورت مندوں کی مدد کے لیے مسلسل معاونت فراہم کر رہا ہے۔