پاکستانی قوم کا بچہ بچہ ملکی حفاظت کرنا جانتا ہے، شیخ رشید

راولپنڈی: عوامی مسلم لیگ کے سربراہ شیخ رشید نے کہا ہے کہ بھارت نے پاکستانی قوم کو للکارا ہے، پاکستانی قوم کا بچہ بچہ ملکی حفاظت کرنا جانتا ہے۔راولپنڈی میں انسداد دہشت گردی عدالت کے باہر میڈیا سے گفتگو کرتے ہوئے شیخ رشید نے کہا کہ پاکستانی قوم اکٹھی ہے اور اپنے چپے چپے کی حفاظت کرنا جانتی ہے۔شیخ رشید نے کہا کہ مقبوضہ کشمیر میں مسلمانوں کو گھروں سے نکال کر شہید کیا جارہا ہے۔واضح رہے کہ سابق وزیر داخلہ شیخ رشید 9 مئی جی ایچ کیو حملہ کیس کی سماعت کے سلسلے میں انسداد دہشت گردی عدالت راولپنڈی پہنچے تھے۔