پاکستان کی اقوام متحدہ کی سیکیورٹی کونسل کی صدارت مکمل‘ پاناما کو اگست کیلئے صدارت پر مبارکباد

نیویارک: پاکستان نے آج جولائی 2025 کے لیے اقوام متحدہ کی سیکیورٹی کونسل کی صدارت مکمل کر لی۔ ای سی او ایس او سی چیمبر میں منعقدہ اختتامی اجلاس سے خطاب کرتے ہوئے، پاکستان کے مستقل مندوب اور کونسل کے صدر سفیر عاصم افتخار احمد نے تمام رکن ممالک کے تعاون، ہم آہنگی اور فعال شرکت پر گہرے شکریے کا اظہار کیا۔انہوں نے کہا کہ کونسل کے اراکین کے تعمیری جذبے اور حمایت نے ہمارے کام کو مرکوز، موثر اور جامع رکھنے میں اہم کردار ادا کیا۔ سفیر عاصم نے کہا کہ پاکستان نے اپنی صدارت کو عاجزی، اقوام متحدہ کے چارٹر کے مقاصد و اصولوں کے عزم اور عالمی امن و سلامتی کے لیے کونسل کے بنیادی مینڈیٹ پر توجہ کے ساتھ نبھایا۔پاکستان کے اہم ایونٹس اور نتائجہائی لیول اوپن ڈیبیٹ: پاکستان نے کثیرالجہتی اور پرامن تنازعات کے حل پر بحث کی میزبانی کی، جس کی صدارت نائب وزیراعظم/وزیر خارجہ نے کی اور اقوام متحدہ کے سیکریٹری جنرل نے بریفنگ دی۔
قرارداد 2788 منظور: کونسل نے متفقہ طور پر قرارداد 2788 (2025) منظور کی، جو پرامن تنازعات کے حل کے عزم کو تقویت دیتی ہے۔
اقوام متحدہ:او آئی سی بریفنگ: پاکستان نے 24 جولائی کو اقوام متحدہ اور او آئی سی کے تعاون پر بریفنگ کی میزبانی کی، جس کے نتیجے میں صدارتی بیان (S/PRST/2025/5) جاری ہوا، جس میں منظم تعاون کی ضرورت پر زور دیا گیا۔
امن مشن اجلاس: ڈنمارک اور جمہوریہ کوریا کے ساتھ مل کر پاکستان نے اقوام متحدہ کے بڑے جائزوں کی روشنی میں امن مشنوں کو جدید بنانے پر اجلاس منعقد کیا۔
منظور شدہ قراردادیں: پاکستان کی صدارت میں کونسل نے پانچ قراردادیں (2784-2789) منظور کیں، جن میں تنازعات کا حل، بحیرہ احمر کی رپورٹنگ، یمن (UNMHA)، ہیٹی (BINUH)، وسطی افریقی جمہوریہ کی پابندیاں، اور آئی سی جے انتخابات شامل ہیں۔
سفیر عاصم نے پاناما کو اگست کے لیے صدارت سنبھالنے پر گرمجوشی سے مبارکباد دی اور انہیں پاکستان کی مکمل حمایت کا یقین دلایا۔