ایرانی آرمی چیف نے امریکا اور اسرائیل کو حملے سے خبردار کر دیا

تہران: ایرانی فوج کے سربراہ نے امریکا اور اسرائیل کو حملے سے خبردار کر دیا۔ایرانی آرمی چیف امیر حاتمی نے کہا کہ خلیج میں امریکی فوجی تعیناتی کے بعد ایران ہائی الرٹ پر ہے، ایرانی جوہری صلاحیت ختم نہیں کی جا سکتی۔امیر حاتمی نے کہا کہ سائنسدان اور فرزند شہید ہی کیوں نہ ہو جائیں، ایرانی جوہری صلاحیت برقرار رہے گی۔ایرانی آرمی چیف کا کہنا تھا کہ دشمن کی غلطی خطے اور صہیونی ریاست کی سلامتی خطرے میں ڈالے گی، ایرانی مسلح افواج مکمل دفاعی اور عسکری تیاری کی حالت میں ہیں۔