پاکستان کے صوبہ پنجاب کی اسمبلی تحلیل ہو چکی ہے تاہم نگراں وزیراعلٰی کے لیے ابھی تک کسی ایک نام پر اتفاق نہیں ہو سکا۔ صوبے کے عارضی وزیراعلٰی پرویز الٰہی ہی ہیں جو محدود اختیارات کے ساتھ اُس وقت تک کام جاری رکھیں گے جب تک نگران وزیراعلٰی کا تقرر نہیں ہوجاتا۔
نگراں وزیراعلٰی کی تقرری کے عمل میں حکومت کی جانب سے اب تک تین نام دیے گئے ہیں جن احمد نواز سکھیرا، ناصر کھوسہ اور نصیر خان شامل ہیں۔ اُدھر اپوزیشن نے جن تین ناموں کی منظوری دی ہے اُن میں ملک احمد خان، حسن مرتضیٰ، خلیل طاہر سندھو شامل ہیں جس کا مطلب ہے کہ اپوزیشن نے حکومت کے دیے گئے ناموں میں سے کسی پر اتفاق نہیں کیا۔
پہلے مرحلے میں تین روز تک کسی ایک نام پر اتفاق نہ ہونے کی وجہ سے 17 جنوری کی رات 10:10 منٹ پر گورنر پنجاب نے آئینی تقاضا پورا کرتے ہوئے پنجاب اسمبلی کے سپیکر کو خط لکھا تھا کہ وہ ایک پارلیمانی کمیٹی تشکیل دیں جو حکومت اور اپوزیشن کے اراکین پر مشتمل ہو۔
’یہ کمیٹی اگلے تین روز میں کسی نتیجے پر پہنچے اور مشترکہ طور پر پنجاب کے نگران وزیر اعلی کا تعین کرے۔‘
Author: Gulraiz Ruhani
-
نگراں وزیراعلٰی کے لیے کسی نام پر اتفاق نہ ہو سکا، آگے کیا ہو گا؟
-
راولپنڈی: ’بیٹوں کے تشدد‘ کی شکایت لے کر بزرگ خاتون پولیس کے پاس پہنچ گئی
راولپنڈی پولیس کے سربراہ نے عوامی شکایات سننے کے لیے کھلی کچہری کا انعقاد کیا تو ایک بزرگ خاتون اپنے بیٹوں کے خلاف ’تشدد کی شکایت‘ لے کر سی پی او کے پاس پہنچی۔
چیف پولیس افسر (سی پی او) راولپنڈی شید شہزاد ندیم بخاری نے ایک ٹویٹ کے ذریعے معاملے کا ذکر کیا تو اسے ’تکلیف دہ اور روح فرسا‘ قرار دیا۔
انہوں نے لکھا کہ ’کھلی کچہری میں بزرگ خاتون نے اپنے بیٹوں کے تشدد اور مار پیٹ کی شکایت کی، جس کا تصور تک تکلیف دہ اور روح فرسا ہے۔ میری ہدایات پر دھمیال پولیس نے مقدمہ درج کر کے ایک بدبخت بیٹے کو گرفتار کر لیا، دوسرا بھِی جلد گرفت میں ہوگا۔ والدین کے تقدس اور تحفظ پر کوئی حرف برداشت نہیں کروں گا۔۔‘ -
کیا شاہد خاقان، مفتاح اسماعیل اور مصطفیٰ نواز نئی سیاسی جماعت بنا رہے ہیں؟
پاکستان میں سوشل میڈیا پر سابق وزیراعظم شاہد خاقان عباسی، سابق وزیر خزانہ مفتاح اسماعیل اور مصطفیٰ نواز کھوکھر کے بارے میں دعویٰ کیا جا رہا ہے کہ وہ ایک نئی سیاسی جماعت بنا رہے ہیں جس میں مختلف سیاسی جماعتوں کے ہم خیال لوگوں کو شامل کیا جائے گا۔
اس بات کو لوگوں کی بڑی تعداد درست اطلاع سمجھ رہی ہے اس کی وجہ یہ ہے کہ پاکستان میں عموماً عام انتخابات سے قبل کوئی نہ کوئی نئی سیاسی جماعت وجود میں آجاتی ہے جو بڑی سیاسی جماعتوں کا ووٹ بینک متاثر کرتی ہے یا متاثر کرنے کے لیے ہی بنائی جاتی ہے۔
اسے درست ماننے کی دوسری بڑی وجہ یہ ہے کہ مفتاح اسماعیل نے وزارت خزانہ سے فراغت کے کچھ عرصہ بعد سے اپنی ہی جماعت کی پالیسیوں اور بالخصوص وزیر خزانہ اسحاق ڈار کو تنقید کا نشانہ بنا رہے ہیں۔ مصطفیٰ نواز کھوکھر بھی اپنی جماعت کی پالیسیوں سے اختلاف کے باعث سینیٹ سے مستعفی ہو چکے ہیں جبکہ شاہد خاقان عباسی جو ہمیشہ سے ن لیگ کی کابینہ کا حصہ رہے لیکن شہباز شریف کابینہ کا حصہ نہیں بنے۔
یہ معاملہ مصطفیٰ نواز کھوکھر اور مفتاح اسماعیل کی ٹویٹس سے شروع ہوا تھا۔ ان ٹویٹس کی بنیاد پر سوشل میڈیا اور واٹس ایپ پر یہ تاثر پھیلنے لگا کہ یہ رہنما مل کر ایک نئی سیاسی جماعت بنا رہے ہیں۔ اس حوالے سے ایک میڈیا ہاؤس کی جانب سے خبر بھی نشر کی گئی جس میں یہ دعویٰ کیا گیا تھا کہ یہ لوگ نئی سیاسی جماعت بنا رہے ہیں۔
-
ایرانی سرحد سے دہشتگردوں کی فائرنگ، 4 فوجی جوان شہید، آئی ایس پی آر
راولپنڈی: پاک ایران سرحد پر دہشت گردوں کی فائرنگ سے سکیورٹی فورسز کے 4 جوان شہید ہوگئے۔
پاک فوج کے شعبہ تعلقات عامہ (آئی ایس پی آر) کے مطابق دہشت گردوں نے ایران کی سرزمین سے پنجگور میں فائرنگ کی، جس میں سکیورٹی فورسز کے چار جوان جام شہادت نوش کرگئے۔
آئی ایس پی آر کے مطابق دہشت گردوں نے سرحد پر گشت کرنے والے سکیورٹی فورسز کے قافلے پر فائرنگ کی۔جوانوں کو نشانہ بنانے کے لیے دہشت گردوں نے ایرانی سرزمین کا استعمال کیا۔
-
پی ایس ایل 8 : شاہین آفریدی ایک بار پھر میدان میں اترنے کیلیے تیار
لاہور: فاسٹ بولر شاہین شاہ افریدی کا کہناہے کہ انجری کی وجہ سے کھیل سے دوری ایک مشکل ترین وقت تھا، وہ اب ایک بارپھر میدان میں اترنے کےلیے تیار ہیں۔
بائیں ہاتھ کے شہرہ آفاق پیسر ان دنوں ان دنوں نیشنل ہائی پرفارمنس سینٹر میں مکمل فٹنس کے ساتھ ردھم اور فارم حاصل کرنے کےلیے سخت محنت کرنے میں مصروف ہیں۔
شاہین نے اس عزم کا اظہارکیا کہ فینز انہیں کم بیک کے بعد دوبارہ سے اسی لگن کے ساتھ بولنگ کرتے ہوئے دیکھ سکیں گے۔
شاہین کے مطابق فٹنس مسائل کی وجہ سے ٹیم سے دوری نے بھی بہت کچھ سکھایا۔ فاسٹ بولرز کے لیے فٹنس برقرار رکھنا آسان نہیں ہوتا۔ رننگ اور بولنگ کے ساتھ بیٹنگ کی بھی بھرپور پریکٹس کررہا ہوں۔
پی ایس ایل فرنچائر لاہور قلندر کے کپتان ایک بارپھر ٹرافی جیتنے کی خواہش رکھتے ہیں۔
پاکستان سپرلیگ کا آغاز 13 فروری سے ملک کے چار سینٹر، لاہور، کراچی ، پنڈی اور ملتان میں ہورہاہے۔ شاہین شاہ آفریدی کی قیات میں لاہور قلندر نے گزشتہ سیزن میں ٹرافی اپنے نام کی تھی۔
-
دس منٹ کی سی ٹی اسکین سے بلڈ پریشر کی عام وجہ اور علاج میں کامیابی
کیمبرج: انسانی جسم میں ہارمون کے بعض غدود کی سرگرمی سے مستقل بلڈ پریشر کا عارضہ لاحق رہتا ہے۔ اب برطانوی ماہرین نے صرف 10 منٹ کے سی ٹی اسکین سے ان غدود کی شناخت اور علاج کا بالکل نیا طریقہ دریافت کیا ہے۔
کوئن میری ہسپتال، جامعہ کیمبرج اور بارٹس ہسپتال کے ڈاکٹرون نے ایک نئی قسم کا سٹی ٹی اسکین وضع کیا ہے جو ہارمون کے غدود پر بڑھنے والے ریشوں پر روشنی پھینک سکتا ہے اور پھر انہیں نکال باہر کرکے بلند فشارِ خون (ہائی بلڈ پریشر) کا علاج کیا جاسکتا ہے۔
-
چین نے 70 منزلہ بلند ہوائی ٹربائن بنانے کا اعلان کردیا!
بیجنگ: چین نے سمندر میں دنیا کی سب سے بلند ہوائی ٹربائن بنانے کا اعلان کیا ہے جو 70 منزل سے بھی اونچا ہوگا اور ایک ٹربائن ٹاور لگ بھگ 18 میگا واٹ بجلی بناسکے گا۔
ہر مرتبہ گھومنے پر یہ ونڈ ٹربائن نیشنل فٹ بال لیگ کے 12 میدانوں کے برابر وسیع ہوگی اور اس کی تینوں پنکھڑیوں کی لمبائی 128 میٹر ہوسکتی ہے۔ اس طرح سیارہ زمین پر یہ سب سے بڑی ونڈ ٹربائن ہوگی۔ اس کا تکنیکی نام مِنگ یانگ ایم وائی اس ای 16.0-242 رکھا گیا ہے۔
اسے سمندر میں نصب کیا جائے گا اور خاص طور پر شدید ہواؤں کو برداشت کرنے کے لیے بنایا گیا ہے۔ اگر ہوا 56 میٹر فی سیکنڈ کی تیزترین ہوا (بلکہ طوفان) بھی ہو اسے بھی یہ برداشت کرسکے گی۔ تاہم اگر ہوا کی رفتار 8.5 میٹر فی سیکنڈ سے بڑھ جائے تو اس کی پنکھڑیاں گھومنے لگتی ہیں اور بجلی کی پیداوار شروع ہوجاتی ہے۔ اگرچہ یہ ایک وقت میں 18 میگاواٹ بجلی بناسکتی ہے لیکن پورے سال 80 گیگا واٹ آور بجلی ایک ٹاور سے حاصل کی جاسکتی ہے۔
اس جناتی ونڈ ٹربائن کو سمندر کنارے لگانا بہت بڑا اور مہنگا چیلنج بھی ہوگا۔ تاہم وقت ہی بتائے گا کہ یہ منصوبہ کس طرح عمل سے گزرتا ہے۔ -
مالی سال کی پہلی ششماہی میں جاری کھاتہ کا خسارہ 5 ارب 42 کروڑ ڈالر تک کم رہا
سٹیٹ بینک آف پاکستان کے اعدادوشمار کے مطابق رواں مالی سال پہلی ششماہی میں جاری کھاتہ 3 ارب 66 کروڑ ڈالر رہا،گزشتہ مالی سال کے اسی عرصہ میں جاری کھاتہ کا خسارہ 9 ارب ڈالر سے زائد تھا۔
مرکزی بینک کےمطابق زرمبادلہ کے ذخائر پر دبائو کم کرنے کے لیے درآمدات کو محدود رکھنے کی حکومتی پالیسی کے نتائج آنا شروع ہوگئے، جاری کھاتہ کے خسارہ میں کمی کا تسلسل جاری ہے۔
اسٹیٹ بینک کے مطابق دسمبر 2022 میں جاری کھاتہ کا خسارہ 40 کروڑ ڈالر رہا،نومبر میں جاری کھاتہ کا خسارہ 25 کروڑ ڈالر رہا تھا جولائی تا دسمبر کے دوران درآمدات میں 6.5 ارب ڈالر کی کمی ہوئی ۔رواں مالی سال کی پہلی ششماہی میں درآمدات 36 ارب ڈالر کے مقابلے میں 29.5 ارب ڈالر رہیں۔
اعدادو و شمار کے مطابق تجارتی خسارہ 5 ارب 55 کروڑ ڈالر کم رہا،جولائی دسمبر 2022 کا تجارتی خسارہ 15 ارب 30 کروڑ ڈالر رہا۔ مالی سال 22-2021 کی پہلی ششماہی میں تجارتی خسارہ 20 ارب 85 کروڑ ڈالر رہا تھا۔
مرکزی بینک کے مطابق خدمات کی تجارت کے خسارے میں بھی نمایاں کمی واقع ہوئی، اعدادوشمار کے مطابق جولائی تا دسمبر خدمات کی تجارت کا خسارہ 35 کروڑ ڈالر رہا،گزشتہ مالی سال کی پہلی ششماہی میں خدمات کا خسارہ 2 ارب 14 کروڑ ڈالر رہا تھا۔
اسٹیٹ بینک کے مطابق رواں مالی سال پہلی ششماہی میں اشیاء و خدمات کا مجموعی خسارہ 7 ارب 33 کروڑ ڈالر کم رہا،رواں مالی سال پہلی ششماہی میں اشیاء و خدمات کی تجارت کا مجموعی خسارہ 15 ارب 65 کروڑ ڈالر رہا۔گزشتہ مالی سال کی پہلی ششماہی میں اشیاء و خدمات کی تجارت کا مجموعی خسارہ 22 ارب 99 کروڑ ڈالر ریکارڈ کیا گیا تھا۔
-
درآمدات کی بندش سے 25 فیصد دوا ساز کمپنیاں بند، باقی کے پاس صرف 15 دن کا خام مال موجود
پاکستان فارماسوٹیکل مینوفیکچررز ایسوسی ایشن کے چیئر مین فاروق بخاری نے کہا کہ ملک میں 25 فیصد دوا ساز اداروں کے غیر فعال ہونے کی نوبت آگئی ہے جبکہ دیگر کمپنیوں کے پاس پندرہ دن کا خام مال رہ گیا ہے،اگر کمپنیوں کو بروقت خام مال کی ادائیگی نہ کی گئی تو مزید کمپنیاں بند ہو جائیں گی اور دوا ساز اداروں کے سیکڑوں ملازمین بے روزگار ہو جائیں گے۔
فارماسیوٹیکل مینوفیکچررز ایسوسی ایشن (بی پی ایم اے) نے حکومت سے پرزور اپیل کی کہ وہ ادویات کی تیاری میں استعمال ہونے والے خام مال اور جان بچانے والے طبی ساز و سامان کی درآمد کو دوباره شروع کرنے کے لیے ہنگامی اقدامات کریں تاکہ ملک میں مریضوں کے بلا تعطل علاج کے لیے ادویات اور جان بچانے والے طبی آلات فراہمی کو یقینی بنایا جاسکے۔
-
میرے جعلی ٹویٹر اکاؤنٹ سے عمران خان کیخلاف ٹویٹ ہوئے، بشریٰ انصاری
پاکستان کی ڈرامہ و فلم انڈسٹری کی معروف و سینئر اداکارہ بشریٰ انصاری نے اپنے نام سے چلنے والے جعلی اکاؤنٹس کیخلاف کمر کس لی۔
انہوں نے دو روز قبل ٹوئٹر پر اپنے نام سے چلنے والے اکاؤنٹس سے سیاسی گفتگو پر شدید برہمی کا اظہار کیا تھا۔
بشریٰ انصاری نے کراچی میں ایف آئی اے کے سائبرکرائم رپورٹنگ سینٹر میں سوشل میڈیا پلیٹ فارمز پر ان کے نام سے چلنے والے پیجز اور اکاؤنٹس کے خلاف درخواست جمع کرادی۔اس حوالے سے سینئر اداکارہ کا کہنا تھا کہ مائیکرو بلاگنگ ویب سائٹ ٹویٹر پر میرے نام سے 10 سے زائد جعلی اکاؤنٹس چل رہے ہیں، میرے جعلی ٹویٹر اکاؤنٹ سے سابق وزیراعظم اور چیئرمین پاکستان تحریک انصاف عمران خان کے خلاف ٹویٹ ہوئے۔