خیبر پختون خوا کا چار ماہ کیلیے 462 ارب کا بجٹ منظور، تنخواہوں میں 35 فیصد اضافہ

پشاور: خیبر پختون خوا کی نگراں کابینہ نے چار ماہ کے لیے 462 ارب کے بجٹ، ملازمین کی تنخواہوں میں 35 فیصد تک اضافے کی منظوری دے دی۔

نگراں صوبائی کابینہ کا خصوصی اجلاس نگران وزیراعلی محمد اعظم خان کی صدارت میں منعقد ہوا جس میں کابینہ نے اگلے چار ماہ جولائی تا اکتوبر کے لیے 462 ارب روپے کے جاری اخراجات کی منظوری دے دی۔

کابینہ نے گریڈ ایک سے سولہ تک ملازمین کی تنخواہوں میں 35 فیصد اور گریڈ 17 تا اوپر کے افسران کی تنخواہوں میں 30 فی صد عبوری اضافے کی منظوری دے دی۔