حکومت ڈیجیٹل پاکستان کے ہدف کے حصول کے لیے پرعزم ہے: احسن اقبال

اسلام آباد: وزیر منصوبہ بندی و ترقیات احسن اقبال نے قومی حکمت عملیوں میں خلائی ٹیکنالوجیز کو شامل کرنے کے حکومت کے عزم کو دہراتے ہوئے ڈیجیٹل پاکستان کے ہدف کے حصول پر زور دیا ہے۔ اسلام آباد میں آج (جمعہ) قومی اسپیس سمپوزیم سے خطاب کرتے ہوئے انہوں نے سماجی و اقتصادی تبدیلی کے لیے خلائی علوم سے فائدہ اٹھانے کی اہمیت پر زور دیا۔احسن اقبال نے تحقیق اور جدت طرازی کے قومی ترقی میں اہم کردار کو اجاگر کیا اور خلائی تحقیق میں پاکستان کی اہم کامیابیوں کا ذکر کیا۔ انہوں نے حکومت کے “اُڑان پاکستان” پروگرام کے ذریعے سائنسی ترقی کو فروغ دینے کے عزم کا اعادہ کیا، جو ملک بھر میں مساوی ترقی کو یقینی بنانے کے لیے بنایا گیا ہے۔انہوں نے کہا کہ خلائی ٹیکنالوجی ماحولیاتی تبدیلی، وسائل کی نگرانی، اور آفات کے انتظام جیسے چیلنجز سے نمٹنے میں کلیدی کردار ادا کرتی ہے۔