Author: Qamar Abbas

(سنگ میل نیوز)راولپنڈی اڈیالاجیل میں بانی پی ٹی آئی عمران خان کی مبینہ سہولتکاری کے معاملے پر جیل کے مزید 6 ملازمین کو حراست میں لے لیا گیا۔

ذرائع کے مطابق حراست میں لئے گئے جیل ملازمین میں 3 خواتین بھی شامل ہیں جن میں ایک خاتون سوئپر، 2 لیڈی وارڈنز اور سی سی ٹی وی کیمروں کی نگرانی کرنے والے 3 اہلکار شامل ہیں جن سے پوچھ گچھ کی جارہی ہے۔

ذرائع کا  کہنا ہے کہ خواتین سٹاف جیل میں بشریٰ بی بی اوربانی پی ٹی آئی کے درمیان پیغام رسانی کرتا تھا جبکہ حراست میں لئے گئے ملازمین کے موبائل فون بھی قبضے میں لےلئے گئے ہیں، جیل میں نگرانی کیلئے افرادی قوت میں بھی اضافہ کردیا گیا ہے۔

یاد رہے کہ اس سے قبل سکیورٹی اداروں نے عمران خان کی سہولت کاری کے الزام میں اڈیالہ جیل کے ڈپٹی سپرنٹنڈنٹ محمد اکرم کو بھی حراست میں لیا تھا جبکہ  اسسٹنٹ سپرنٹنڈنٹ بلال سے بھی پوچھ گچھ کی گئی تھی۔

(سنگ میل نیوز)توشہ خانہ کے نئے ریفرنس میں بانی پی ٹی آئی عمران خان اور ان کی اہلیہ بشریٰ بی بی کو جوڈیشل ریمانڈ پر جیل بھجوا دیا گیا۔

اڈیالہ جیل میں نیب کے ریفرنس توشہ خانہ 2کی سماعت ہوئی، جج ناصر جاوید رانا نے اڈیالہ جیل میں ریفرنس کی سماعت کی،نیب کی جانب سے بتایا گیاکہ بانی پی ٹی آئی شامل تفتیش ہو گئے،تحریری بیان دیا ہے،بشریٰ بی بی کا تحریری بیان بھی تفتیشی ٹیم کو دیا گیا ہے۔

نیب کی جانب سے دونوں ملزمان کے مزید جسمانی ریمانڈ کی استدعا نہیں کی گئی، عدالت نے بانی پی ٹی آئی اور بشریٰ بی بی کو جوڈیشل ریمانڈ پر جیل بھجوا دیا گیااور دونوں ملزمان کو 2ستمبر کو دوبارہ پیش کرنے کاحکم دیدیا۔

(سنگ میل نیوز)امیرجماعت اسلامی پاکستان حافظ نعیم الرحمان نے ایک بار پھر بجلی کی قیمتوں میں کمی کا مطالبہ کرتے ہوئے کہا ہے کہ ہمارے معاہدے کے 34 روز باقی ہیں کل کوئٹہ جاؤں گا، اگر معاہدے پر عمل نہ ہوا تو ہر جگہ سے لانگ مارچ نکلے گا۔

کراچی میں  پریس کانفرنس کرتے ہوئے امیرجماعت اسلامی پاکستان  نے کہا کہ ہمارے ساتھ کراچی کے ٹاؤن چیئرمین موجود ہیں ، ایم کیو ایم اور پیپلزپارٹی نے آخر وقت تک کوشش کی کہ بلدیاتی انتخابات نہ ہوں، ہمارے پاس  9ٹاؤن ہیں مگر بلدیاتی اداروں پر قبضہ کرلیا گیا۔

انہوں نے کہا کہ سب کے لیے یہ شہر روزگار کے مواقع پیدا کرتا ہے، پاکستان کی معیشت میں آدھا حصہ اس شہر کا ہے ، صوبائی حکومت کا 97 فیصد ریونیو کراچی سے جمع ہوتا ہے۔

حافظ نعیم الرحمان نے کہا کہ بلدیاتی حکومت کو سوا سال ہوگیا، ترقی یافتہ ممالک میں امن امان سمیت تمام اختیار بلدیاتی حکومتوں کے پاس ہوتا ہے، پنجاب میں ابھی تک بلدیاتی انتخابات نہیں ہوئے، سندھ میں بھی پیپلز پارٹی نے دھاندلی کر کے قبضہ کرلیا ، پورے ملک میں بلدیاتی نظام کو حکومتیں مانتی ہی نہیں، انتخابات کے بعد پیپلز پارٹی نے جتنے وعدے کیے تھے وہ پورے نہیں ہوئے۔

انہوں نے  کہا کہ شہر کے جماعت اسلامی کے ٹاؤن چیئرمین کو منتخب ہوئے ڈیڑھ سال ہونےکو ہے لیکن اختیار نہیں ہے، پیپلز پارٹی نے بلدیاتی انتخابات پر شب خون مار کر قبضہ کرلیا، سندھ سالڈ ویسٹ مینجمنٹ کراچی کا انچارج میئر انچارچ ہوتا ہے لیکن صفائی ستھرائی نہیں اور کوئی توجہ نہیں ہے، واٹر بورڈ اور سیوریج پر کوئی اختیار نہیں ہے۔

ان کا مزید کہنا تھا کہ آئین میں جو اختیار بلدیاتی حکومتوں کو دیا گیا وہ نہیں دیا جا رہا ہے، بجٹ کے 62 فیصد صوبوں جو ملتا ہے لیکن صوبائی حکومت اس میں سے بلدیاتی حکومتوں کو حصہ نہیں دیتی۔

امیر جماعت اسلامی نے صوبائی حکومت کو تنقید کا نشانہ بناتے ہوئے کہا کہ پیپلزپارٹی کی حکومت کی کار کردگی سندھ میں بارشوں سے نظر آتی ہے، پیپلز پارٹی کرپشن کر رہی ہے اربوں روپے قرضے لے رہے ہیں بتائیں وہ پیسے کہاں جاتے ہیں؟ شہر پر قبضہ کر کے بیڑہ غرق کیا ہوا ہے ۔

حافظ نعیم الرحمان نے کہا کہ نواز شریف بادشاہ سلامت نے اپنی صاحبزادی کو ساتھ بٹھایا ہے، یہ بادشاہت نہیں چلے گی، آئی پی پیپز کو انہوں نے مسلط کیا ہے، ہم ان آئی پی پیپز کا بوجھ نہیں اٹھائیں گے ہمیں ٹیرف میں کمی چاہیے، صنعتکار کہہ رہے ہیں ہماری صنعتیں بند ہورہی ہیں، کیپسٹی پیمنٹ وصول نہیں ہونی چاہیے۔

ان کا کہنا تھا کہ جماعت اسلامی حکومتی معاہدے کا تعاقب کرے گی ، عوام مسترد شدہ لوگوں کو جانتے ہیں۔