Category: اہم خبریں

پشاور- عوامی نیشنل پارٹی (اے این پی) اور جماعت اسلامی نے خیبرپختونخوا میں گورنر راج لگانےکی مخالفت کردی مرکزی ترجمان اے این پی انجینئر احسان اللہ خان نے جیونیوز سےگفتگو میں کہا کہ اے این پی خیبرپختونخوا میں گورنر راج کی مخالفت کرتی ہے،گورنر راج لگانا مسئلے کا حل نہیں، گورنر راج لگ بھی جائے تو تین ماہ بعد ختم ہوجائےگا انجینئر احسان اللہ کا کہنا تھا کہ پی ٹی آئی کی اسمبلی میں اکثریت ہے،گورنر راج اثر انداز نہیں ہوگا
ترجمان اے این پی کے مطابق وفاقی حکومت اور پی ٹی آئی میں معنی خیز مذاکرات کی ضرورت ہے۔ اگر قانونی طریقے سے بانی پی ٹی آئی رہا بھی ہوجائیں تو کیا ہوجائےگا؟ ملک میں سیاسی عدم استحکام خطرناک حد تک بڑھ گیا ہےدوسری جانب جماعت اسلامی خیبرپختونخوا وسطی کے امیر عبد الواسع نے گفتگو میں کہا کہ خیبرپختونخوا میں گورنر راج وفاقی حکومت کا خلاف آئین اقدام ہوگاعبد الواسع کا کہنا تھا کہ اسمبلیوں کی موجودگی میں گورنر راج لگانے کی باتیں وفاقی حکومت کی بدنیتی ہے، جماعت اسلامی گورنر راج کی بھر پور مخالفت کرے گی، امیر مقام کا بیان غیر ذمہ درانہ اور غیر سنجیدہ ہے، منتخب حکومت اور اسمبلی کی موجودگی میں گورنر راج کی کوئی قانونی حیثیت نہیں خیال رہے کہ حکومتی ذرائع کا بتانا ہے کہ وفاقی کابینہ کی اکثریت نے خیبر پختونخوا میں گورنر راج نافذ کرنے کی حمایت کی ہےذرائع کے مطابق حکومت نے کے پی میں گورنر راج نافذ کرنے سے پہلے پیپلز پارٹی، قومی وطن پارٹی اور اے این پی سے مشاورت کا فیصلہ کیا ہے
ذرائع کا بتانا ہے کہ وزارت قانون اور اٹارنی جنرل نے وفاقی کابینہ کو کے پی میں گورنر راج کے نفاذ کے حوالے سے اپنی رائے دے دی ہےذرائع کے مطابق خیبرپختونخوا نےخود 2 بار وفاق پر چڑھائی کر کےگورنر راج کا جواز پیدا کر دیا، وفاق پر چڑھائی میں سرکاری ملازمین اور سرکاری مشینری استعمال کی گئی کابینہ ذرائع کا بتانا ہے کہ وفاقی کابینہ کے اجلاس میں صرف اس ایک نکاتی ایجنڈے پر غور ہوا، سیاسی اتحادیوں اور اسٹیک ہولڈرز کو اعتماد میں لےکر گورنر راج سے متعلق حتمی فیصلہ کیا جائےگا

اسلام آباد- وفاقی وزیر داخلہ محسن نقوی نے کہا ہے کہ 31 دسمبر کے بعد افغان شہری بغیر این او سی اسلام آباد میں نہیں رہ سکیں گےاسلام آباد میں میڈیا سے گفتگو کرتے ہوئے محسن نقوی نے کہا کہ اگر کسی افغان شہری کو اسلام آباد میں رہنا ہے تو ڈی سی آفس سے این او سی لینا ہوگا اور 31 دسمبر کے بعد افغان شہری اسلام آباد کی حدود میں نہیں رہ سکیں گےانہوں نے کہا کہ ایک ہی ترجیح ہے کہ زندگی معمول پر آجائے، جو تھوڑی بہت چیزیں رہ گئیں وہ شام تک روٹین پر آجائیں گی وزیرداخلہ کا کہنا تھا کہ کسی پولیس والے کے پاس گن نہیں تھی، پروپیگنڈا کیا گیا کہ 33 لاشیں ایک اسپتال میں ہیں، انہیں اپنی شرمندگی چھپانے کا کوئی طریقہ نہیں مل رہاواضح رہےکہ گزشتہ روز وفاقی وزیر اطلاعات عطا تارڑ نے کہا ہےکہ تحریک انصاف کے احتجاج میں افغان شہری بھی شامل ہیں جب پنجاب حکومت نے بھی احتجاج میں شریک افغان شہریوں کی شناخت سامنے لانے کا اعلان کیا ہے

اسلام آباد- پی ٹی آئی کے احتجاج میں شامل مظاہرین قانون نافذ کرنے والے اداروں کے کریک ڈاؤن کے بعد اپنی گاڑیوں کو چھوڑ کر چلے گئےتحریک انصاف کے احتجاج پر گزشتہ رات ہونے والے کریک ڈاؤن کے بعد بہت سے مظاہرین اپنی گاڑیاں پیچھے چھوڑ کر چلے گئے کو موصول فوٹیجز میں دیکھا جاسکتا ہے کہ مظاہرین اپنی درجنوں گاڑیاں جناح ایونیو پر چھوڑ گئے ہیں اور ان میں سے اکثر کو نقصان بھی پہنچا ہےپولیس اور ایکسائز حکام نے گاڑیاں قبضے میں لےکر ریکارڈ نکالنا شروع کردیا ہےپولیس کا کہناہےکہ گاڑیوں کے مالکان پر بھی سہولت کاری کا مقدمہ درج کیا جائے گا اور انہیں شامل تفتیش کیا جائیگا

لاہور- پنجاب حکومت نے پی ٹی آئی احتجاج سے پکڑے گئے افغان شہریوں کی شناخت جلد سامنے لانے کا اعلان کردیالاہور میں پریس کانفرنس کرتے ہوئے وزیر اطلاعات پنجاب عظمیٰ بخاری نےکہا کہ 9 مئی ہو یا 24 نومبر ان کا احتجاج ناکام ہوا، پی ٹی آئی 5 بار احتجاج کی کال دے چکی مگر ہر بار ناکام ہوئی عظمیٰ بخاری نے کہا کہ کل وزیراعلیٰ علی امین گنڈاپور کوکارکنوں کی تنقید کا سامنا رہا، علی امین کی گاڑی کو کل کارکنوں نے آگ لگائی وزیر اطلاعات کا کہنا تھا کہ کہا جاتا رہا بشریٰ بی بی کا سیاست سے تعلق نہیں لیکن کل میاں کی رہائی کے لیے بضد تھیں مگر پھر گزشتہ رات احتجاج سے فرار ہوئیں انہوں نے مزید کہاکہ احتجاج کے دوران پنجاب پولیس کی 22 گاڑیوں کو نقصان پہنچایاگیا، ان کے اپنے بچے باہر ہیں، احتجاج میں لوگوں کے بچوں کو کھانا میسرنہ تھا