اینٹی اسموگ مہم: پنجاب میں سرکاری اور نجی تمام گاڑیوں کی جانچ پڑتال کا فیصلہ

لاہور پنجاب حکومت نے اینٹی اسموگ پلان کے تحت سرکاری اور نجی تمام گاڑیوں کی جانچ پڑتال کا فیصلہ کیا ہےپنجاب حکومت نے اس حوالے سے ایک نوٹیفکیشن بھی جاری کیا ہے جس کے مطابق صوبے بھر میں تمام گاڑیوں کے لیے فٹنس سرٹیفکیٹ لازمی ہوگااس کے علاوہ چھوٹی بڑی گاڑیوں کو فٹنس سرٹیفکیٹ اتھارٹی سے تصدیق نامہ بھی حاصل کرنا ہوگانوٹیفکیشن میں تمام وزارتوں اور ان کے ذیلی محکموں کے زیر استعمال تمام گاڑیوں کے فٹنس سرٹیفیکیٹ حاصل کرنے کی ہدایت کی گئی ہے نوٹیفکیشن کے مطابق حکومت نے فٹنس سرٹیفکیٹ حاصل کرنے کیلئے 30 جنوری تک کی ڈیڈ لائن مقرر کردی ہے اور تمام وزارتوں اور محکموں کو اس تاریخ تک گاڑیوں کا معائنہ کرانے کی ہدایت کی گئی ہے