Category: اہم خبریں

راولپنڈی- وزیراعلیٰ خیبر پختونخوا علی امین گنڈاپور کو عمران خان سے ملاقات کی اجازت نہ ملی وزیراعلیٰ خیبرپختونخوا علی امین گنڈاپور بانی پی ٹی آئی سے ملاقات کے لیے اپنے پروٹوکول کے ہمراہ اڈیالہ جیل پہنچے مگر انہیں عمران خان سے ملاقات کی اجازت نہ مل سکی علی امین گنڈا پور کو اڈیالہ جیل کے باہر روکا گیا اور وہ گیٹ نمبر 5 کے باہر پروٹوکول کے ہمراہ موجود رہے بعد ازاں جیل عملے نے علی امین کو آگاہ کیا کہ ابھی ملاقات سےمتعلق کوئی اطلاع نہیں جس کے بعد وزیراعلیٰ کے پی پروٹوکول کے ہمراہ اڈیالا جیل سے گورکھ پور کی طرف روانہ ہوگئے

سانحہ آرمی پبلک اسکول (اے پی ایس) پشاور کے شہدا کے لواحقین 10 سال بعد بھی کرب و غم کی کیفیت میں مبتلا ہیں سانحے میں دو بیٹوں کو کھونے والے چارسدہ کے طارق جان نے 16 دسمبر کو اپنے لیے درد ناک قرار دیا اور کہا یہی آس ہے کہ جنت میں بچوں سے ملاقات ہو گی پشاور کے رہائشی تحسین اللہ کا گھرانہ بھی دو بیٹوں کی جدائی میں غم سے نڈھال ہے اور شہید ہونے والے بچوں کی والدہ کا کہنا ہے کہ دونوں بیٹوں کی جدائی کا غم کبھی نہ بھرا جا سکے گا
سانحے میں زندہ بچ جانے والے احمد خٹک اپنے بھائی کو کھونے پر غمگین ہیں لیکن دہشتگردی کا مقابلہ علم کی روشنی سے کرنے کے لیے پُرعزم ہیں احمد خٹک نے گریجویشن مکمل کی ہے اور ان کا کہنا ہے کہ اب ملک کی خدمت کروں گاسانحہ اے پی ایس کے 10 سال مکمل ہونے پر صدر مملکت، وزیراعظم، وزیر داخلہ، وزیر اعلیٰ کے پی، چیئرمین پیپلز پارٹی اور دیگر شخصیات کی جانب سے شہدا کو خراج عقیدت پیش کیا گیا ہے اور ملکر ملک سے دہشتگردی کے خاتمے کے عزم کا اظہار کیا گیا ہےیاد رہے کہ 10 سال قبل 16 دسمبر 2014 کو آرمی پبلک اسکول پشاور میں سفاک دہشتگردوں نے علم کی پیاس بجھانے والے معصوم بچوں کو دہشتگردی کا نشانہ بنایا، حملے میں معصوم طلباء سمیت 147 افراد شہید اور درجنوں زخمی ہوئے

اسلام آباد- چیئرمین پی ٹی آئی بیرسٹر گوہر نے کہا ہےکہ ہم نے مذاکرات کے دوران شرط نہیں رکھی البتہ مطالبات ضرور رکھے ہیں اسلام آباد میں میڈیا سے گفتگو کرتے ہوئے بیرسٹر گوہر نے کہا کہ 9 مئی مقدمے میں کیس سے ڈسچارج ہونے کی درخواست دائر کی ہے، یہ تمام مقدمات جعلی ہیں اور ان میں بریت ہوگی، تحریک انصاف کی درخواست وزیراعظم اور دیگر کے خلاف ہے چیئرمین پی ٹی آئی نے کہا کہ ایسے وقوعے کئی ہوئے ہیں لیکن دنیا بھر میں احتجاج کے دوران گولی نہیں چلی، احتجاج کے لیے مظاہرین ابھی بیٹھے نہیں اور شیلنگ شروع کردی گئی تھی بیرسٹر گوہر کا کہنا تھا کہ مذاکرات کا بانی پی ٹی آئی نے اس سے قبل بھی کہا تھا، مذاکرات ضرور ہونے چاہئیں، سیاسی مسائل کا حل سیاسی بیٹھک سے ہی ہوتا ہے لیکن مذاکرات کے دوران شرط نہیں رکھی البتہ مطالبات ضرور رکھے ہیں، اس سے قبل بھی مذاکرات ہوئے لیکن ایک اسٹیج سے قبل رابطہ ختم ہوگیا

ملک کے بیشتر علاقوں میں موسم سرد اور خشک ہے جب کہ پہاڑی علاقوں میں برف باری سے سردی کی شدت میں اضافہ ہوگیا ہےبین الاقوامی موسمیاتی ویب سائٹ کے مطابق گزشتہ رات کراچی میں درجہ حرارت 14 ڈگری سینٹی گریڈ ریکارڈ کیا گیابین الاقوامی موسمیاتی ویب سائٹ کا بتانا ہے کہ ہنزہ میں پارہ منفی 18، استور میں منفی 17 ڈگری تک گرگیا جب کہ اسکردو میں درجہ حرارت منفی 10 ڈگری اور کوئٹہ میں کم سے کم ایک ڈگری سینٹی گریڈ ریکارڈ کیا گیادوسری جانب لاہور سمیت پنجاب کے مختلف شہروں میں بھی شدید سردی ریکارڈ کی گئی ہےاسلام آباد اور راولپنڈی میں پارہ 4 ، لاہور اور پشاور میں 7 ریکارڈ کیاگیا

ضلع کرم میں قیام امن کیلئے کوہاٹ میں ہونے والے گرینڈ امن جرگے میں زیادہ تر نکات پر اتفاق ہونے کے باوجود جرگہ کسی بھی حتمی نتیجے پر نہیں پہنچ سکا، آج بھی مذاکراتی عمل جاری رکھا جائے گا پشاور پارا چنار مرکزی شاہراہ سمیت آمد و رفت کے تمام راستے بند ہونے سے ضلع کرم میں اشیا خورد و نوش، پیٹرول، ادویات اور گیس ختم ہونے پر شہریوں کو شدید مشکلات کا سامنا ہے جرگہ ذرائع کے مطابق گرینڈ امن جرگے میں زیادہ تر نکات پر اتفاق کے باوجود جرگہ کسی بھی حتمی نتیجے پر نہیں پہنچ سکا جس کے باعث آج بھی مذاکراتی عمل جاری رکھا جائے گاسماجی رہنما میر افضل خان کا کہنا ہے کہ لاکھوں کی آبادی علاقے میں محصور ہوکر رہ گئی ہے

صدر مملکت آصف علی زرداری کے مدارس رجسٹریشن سے متعلق سوسائٹی رجسٹریشن بل پر اعتراضات پر جمعیت علمائے اسلام (جے یو آئی) کا ردعمل سامنے آگیا ذرائع کے مطابق صدر مملکت آصف علی زرداری نے سوسائٹی رجسٹریشن ایکٹ پر 8 اعتراضات اٹھائے ہیں صدر مملکت نے اعتراض کیا کہ بل کے قانون بننے سے مدارس اگر سوسائٹیز ایکٹ کے تحت رجسٹر ہوں گے تو ایف اے ٹی ایف اور جی ایس پی سمیت دیگر پابندیوں کا خدشہ ہے، مدارس کی رجسٹریشن سوسائٹیز ایکٹ کے ذریعے شروع کی گئی تو قانون کی گرفت کم ہوسکتی ہے پھر قانون کم اور من مانی زیادہ ہوگی صدر مملکت کا اعتراض ہے کہ اگر سوسائٹی رجسٹریشن میں دینی تعلیم اور فائن آرٹ رکھتے ہیں تو تنازع ہوگا، اس سے مختلف نکتہ نظر رکھنے والوں کا تنازع ہوسکتا ہےاعتراض میں کہا گیا ہے کہ سوسائٹی رجسٹریشن ایکٹ 1860 میں دینی تعلیم شامل نہیں، سوسائٹی رجسٹریشن ایکٹ 1860 میں فائن آرٹ تعلیم شامل ہے جس میں ڈانس کلاسز، آرٹ کلاسز شامل ہیں صدر مملکت نے خدشہ ظاہر کیا کہ مجوزہ بل منظور ہونے سے عالمی سطح پر پابندیوں کا خدشہ ہےصدر نے ارکان اسمبلی کو تجویز دی ہے کہ مدارس سے متعلق بل بنانے کے لیے عالمی سطح کے معاملات کو مدِ نظر رکھا جائےصدر مملکت کے اعتراضات پر ردعمل دیتے ہوئے ترجمان جے یو آئی اسلم غوری نے کہا ہے کہ صدرمملکت کے مدارس ایکٹ پر اعتراضات حیران کن ہیں