Category: بین الاقوامی

(سنگ میل نیوز)سعودی عرب کے دارالحکومت ریاض سے پشاور پہنچنے والی پرواز میں فنی خرابی کے باعث کریش لینڈنگ سے طیارے میں آگ لگ گئی۔

تفصیلات کے مطابق غیرملکی پرواز کے لینڈنگ گیئر میں فنی خرابی ہوئی، پرواز کے پائلٹ نے ایئر ٹریفک کنٹرول کی رہنمائی سے طیارے کو انتہائی مہارت سے ایئرپورٹ پر اتارا،

تاہم طیارے نے جب پشاور ایئرپورٹ پر لینڈنگ کی تو اس کے ٹائروں میں چنگاریاں نکلنا شروع ہوگئیں۔

ترجمان سول ایوی ایشن نے بتایا ہے کہ ریاض سے پیشاور پہنچنے والی سعودی ائیرلائن کے لینڈنگ گئیر میں آتشزدگی کا واقعہ پیش آیا،

سعودی ائیرلائن ایس وی 792 کی پشاور ائیرپورٹ پر لینڈنگ کے بعد ائیر ٹریفک کنٹرولر نے طیارے کے بائیں لینڈنگ گئیر میں دھواں اٹھتا ہوا

اور چنگاریاں دیکھیں تو ائیر ٹریفک کنٹرولر نے پائلٹ کو فوری اس سے آگاہ کیا، سول ایوی ایشن ائیر ٹریفک کنٹرولر نے فوراً فائیر اینڈ ریسکیو سروسز کو مطلع کیا جو بروقت موقع پر پہنچ گئے،

فائر ٹینڈرز نے بروقت کارروائی کی اور لینڈنگ گئیر میں ہونے والی آتشزدگی پر فوراً قابو پاکر جہاز کو بڑے حادثہ سے بچا لیا، تمام 276 مسافر اور عملہ کے 21 ارکان انفلیٹبل سلائیڈ کے ذریعے بحفاظت جہاز سے باہر آئے۔

(سنگ میل نیوز)عراق کی عدالت نے داعش کے سابق سربراہ ابوبکر بغدادی کی بیوہ کو سزائے موت سنادی۔

غیرملکی میڈیا کے مطابق ابوبکر بغدادی کی پہلی اہلیہ اسما محمد کو دہشت گروپ کے ساتھ کام کرنے،

انسانیت کے خلاف جرائم اور خواتین کو اپنے گھر پر قید رکھنے کے جرم میں سزائے موت سنائی گئی۔

عراق کی سپریم جوڈیشل کونسل کی جانب سے جاری بیان میں کہا گیا ہے کہ ابوبکر بغدادی کی اہلیہ نے یزیدی خواتین کو موصل میں اپنے گھر میں قید کیا تھا۔

غیرملکی میڈیا کے مطابق ابوبکر بغدادی کی بیوہ عراقی سیکیورٹی اداروں کی حراست میں ہیں۔

ان کی پھانسی کی سزا پر عملدرآمد عراقی اپیل کورٹ کی توثیق کے بعد ہوگا۔

دوسری جانب خاتون کے وکیل نے اس معاملے پر کوئی بیان نہیں دیا تاہم ابوبکر بغدادی کی بیوہ نے حال ہی میں برطانوی میڈیا کو دیے گئے

انٹرویو میں ان الزامات کی تردید کی تھی۔ واضح رہے کہ داعش کے سابق سربراہ ابوبکر بغدادی 2019ء میں امریکی فورسز کے حملے میں ہلاک ہوگئے تھے۔

(سنگ میل نیوز) امریکی وزیر خارجہ انٹونی بلنکن نے کہا کہ یوکرین کے لیے 2 روز میں ناقابل یقین حد تک مضبوط پیکیج کا اعلان کیا جائےگا،

نیٹو اجلاس میں یوکرین کی حمایت کے ایجنڈے پر عمل درآمد شروع ہوگیا، نیٹو کے 32 رکن ممالک کے رہنماؤں کو یکجا کرنے والا نیٹو سربراہی اجلاس میثاق کی 75 ویں سالگرہ کی تقریب سے شروع ہوا,

امریکی صدر جو بائیڈن نے تقریب میں نیٹو کے سیکرٹری جنرل ینز اسٹولٹن برگ کو “صدارتی تمغہ آزادی” پیش کیا۔ نیٹو کے سیکرٹری جنرل نے روس کے خلاف یوکرین کی حمایت جاری رکھنے کا ذکر کرتے ہوئے کہا

کہ اس جنگ کا نتیجہ کئی دہائیوں تک عالمی سلامتی کو متاثر کرے گا۔ میزبان، امریکی صدر بائیڈن نے اعلان کیا کہ نیٹو کے اتحادی یوکرین کو “تاریخی طور پر” اہم فضائی دفاعی نظام فراہم کریں گے،

بائیڈن نے کہا کہ جرمنی، اٹلی، ہالینڈ اور رومانیہ کے ساتھ مل کر یوکرین کو پیٹریاٹ بیٹریاں اور پرزے فراہم کریں گے۔ امریکا نے روس کے خلاف یوکرین کو دفاعی سامان کی فراہمی شروع کر دی،

امریکی وزیر خارجہ انٹونی بلنکن کا کہنا ہے کہ ڈنمارک اور نیدرلینڈز سے ایف سولہ طیارے یوکرین پہنچ رہے ہیں. واشنگٹن میں نیٹو اجلاس کی سائیڈ لائن تقریب میں گفتگو میں انٹونی بلنکن نے کہا

کہ یوکرین کے لیے 2 روز میں ناقابل یقین حد تک مضبوط پیکیج کا اعلان کیا جائےگا، پیکیج سے نٹیو میں یوکرین کی رکنیت کےلیے واضح اور مضبوط راستہ ہموار ہوگا۔

یہ بھی پڑھیں:

زیلینسکی نے سربراہی اجلاس میں شرکت سے قبل واشنگٹن میں ایک بیان میں کہا کہ “دنیا روس کو باز رکھنے کے لیے نومبر میں ہونے والے امریکی صدارتی انتخابات کا انتظار نہیں کر سکتی۔

” یوکرینی رہنما نے امریکی سے مخاطب ہوتے ہوئے کہا کہ “ایکشن لینے کے لیے سخت فیصلے کرنے کا وقت آگیا ہے۔”

(سنگ میل نیوز)وزیر اعظم شہباز شریف کادورہ چین،وزیراعظم گریٹ ہال آف پیپل پہنچے جہاں چینی پیپلز لبریشن آرمی کے دستے نے انہیں گارڈ آف آنر پیش کیا۔
چینی وزیراعظم لی چیانگ نے شہباز شریف کااستقبال کیا، وزیر اعظم شہباز شریف نے چینی ہم منصب لی چیانگ سے اپنے وفد کا تعارف کرایا،

آرمی چیف جنرل عاصم منیر بھی گارڈ آف آنر کی تقریب میں موجود ہیں۔ نواز شریف کا مطالبہ واضح رہے کہ 3 جون کو ترجمان دفتر خارجہ نے بتایا تھا
کہ وزیرا عظم محمد شہباز شریف 4 سے 8 جون 2024 تک چین کا سرکاری دورہ کریں گے، وزیر خزانہ محمد اورنگزیب، وزیراطلاعات عطا تارڑ سمیت اہم وفاقی وزرا بھی وزیراعظم کے ہمراہ چین روانہ ہوں گے۔

ترجمان نے کہا کہ چینی صدر شی جن پنگ اور چین کے وزیر اعظم لی کیانگ کی دعوت پر وزیراعظم چین کا دورہ کر رہے ہیں،
وزیر اعظم کے دورے کے 3 حصے ہوں گے، بیجنگ کے علاوہ وزیر اعظم ژیان اور شینزین کے شہروں کا بھی دورہ کریں گے۔

گزشتہ روز بیجنگ میں پاک چائنا فرئنڈ شپ اینڈ بزنس کی تقریب سے خطاب کرتے ہوئے وزیراعظم شہباز شریف کا کہنا تھا
کہ پاک چائنا فرینڈ شپ اینڈ بزنس کی تقریب سے خطاب میرے لیے اعزاز ہے۔

وزیر اعظم شہباز شریف نے کہا ہے کہ چین کی پیداواری صلاحیت دنیا بھر میں مشہور ہے،
چین کی مختصر مدت میں تیز رفتار ترقی ہمارے لیے مشعل راہ ہے۔

(سنگ میل نیوز)ٹیکس بڑھائیں،بجلی ،گیس مہنگی کریں، اور آئی ایم ایف شرائط کے مطابق بجٹ پیش کریں، آئی ایم ایف نے نئے قرض پروگرام کیلئے نئی شرط رکھ دی۔ پاکستان کو آئی ایم ایف سے نئے قرض پروگرام کیلئے تاحال کامیابی نہ مل سکی ۔آئی ایم ایف مشن سے آج مذاکرت ختم ہوجائیں گے۔ آئی ایم ایف نے تاحال نئے قرض پروگرام کیلئے رضامندی ظاہر نہیں کی۔

پاکستان کے آئی ایم ایف مشن کے ساتھ مذاکرات آج اختتام پذیر ہوجائیں گے،ذرائع کے مطابق آئی ایم ایف مشن نے تاحال پاکستان کو نیا قرض پروگرام دینے پر رضامندی ظاہر نہیں کی،آئی ایم ایف نے پاکستان کو قرض پروگرام کی شرائط پیش کردی ہیں،پاکستان کو آئندہ بجٹ میں شرائط پر عملدرآمد کرنا ہوگا ۔

ذرائع کا کہنا ہے کہ آئی ایم ایف شرائط پر عملدرآمد کی صورت میں پاکستان کو قرض پروگرام دینے کا فیصلہ ہوگا،پاکستان کو آئی ایم ایف شرائط کے مطابق بجٹ پیش کرنا ہوگا،وفاقی بجٹ میں ٹیکسوں کا دائرہ کار بڑھانے کے اقدامات کرنا ہوں گے،آئی ایم ایف شرائط کے مطابق بجلی اور گیس کی قیمتوں کا تعین ہوگا ،آئی ایم ایف شرائط کے مطابق توانائی سیکٹر کا گردشی قرض کم کرنا ہوگا ،نئے قرض پروگرام کے لیے ڈالر کا مارکیٹ ریٹ طے کرنا ہوگا۔

یاد رہے کہ موجودہ حکومت پہلے ہی آئی ایم ایف سے قرض لے کر معاملات چلا رہی ہے۔اگلے ماہ بجٹ پیش کیا جائے گا  جس میں آئی ایم ایف کی شرائط پر عمل نہ کیا گیا تو نیا قرض لینا مشکل ہوجائے گا ۔