Category: کھیل

دبئی: ایشیا کپ ٹی 20 ٹورنامنٹ کا ہائی وولٹیج مقابلے میں پاکستان نے بھارت کیخلاف ٹاس جیت کر پہلے بیٹنگ کا فیصلہ کیا ہے ۔

لاہور: ایشیا کپ 2025 کا میزبان ہونے کے باوجود بھارتی بورڈ کے اعلیٰ عہدیدار منظرعام سے غائب ہو گئے ۔بھارتی میڈیا کے مطابق بھارتی بورڈ نے پاک بھارت میچ میں کسی بھی اعلیٰ عہدیدار کو دبئی بھیجنے کا فیصلہ نہیں کیا، بھارت میں پاکستان کے خلاف میچ کی بائیکاٹ مہم چل رہی ہے۔بائیکاٹ مہم کی وجہ سے بی سی سی آئی کے زیادہ تر آفیشلز میچ سے خود کو دور رکھ رہے ہیں، بھارتی بورڈ کے عہدیداروں کی میچ میں نظر نہ آنے کو خاموش بائیکاٹ کہا جارہاہے ،بھارتی میڈیا کے مطابق بی سی سی آئی کے سیکرٹری دیوجیت سائیکیا ویمنز ورلڈکپ کی تیاری کا کہہ کر دبئی نہیں جا رہے ، آئی پی ایل چیئرمین ارون دھمال نے بھی میچ سٹیڈیم میں نہ دیکھنے کا فیصلہ کیا ہے ۔ بی سی سی آئی کے نائب صدر اور اے سی سی ایگزیکٹو بورڈ کے ممبر راجیو شکلا بھارت کی جیت کی صورت میں کیمرے پر نظر آسکتے ہیں، بی سی سی آئی کے دیگر عہدیداران بھارت کی ممکنہ فتح کی صورت میں ہی منظر عام پر آئیں گے ۔

دبئی: ایشیا کپ ٹی 20 ٹورنامنٹ کا ہائی وولٹیج ٹاکرا آج ہوگا، کرکٹ کے سب سے بڑے حریف ایک بار پھر آمنے سامنے ہوں گے۔پاکستان اور بھارت کی ٹیمیں آج ایشیا کپ کے گروپ اے کے میچ میں دبئی میں ٹکرائیں گی، میچ پاکستانی وقت کے مطابق شام ساڑھے 7 بجے شروع ہوگا، دونوں ٹیمیں جیت کے لئے پر عزم ہیں، رواں سال جنگ کے بعد روایتی حریفوں کا یہ پہلا مقابلہ ہے۔پاکستان اور بھارت کی ٹیمیں 6 ماہ کے دوران دوسری بار آمنے سامنے ہوں گی، اس سے قبل دونوں ٹیموں نے چیمپئنز ٹرافی میں میچ کھیلا تھا۔پاکستانیوں کی فخر زمان، صائم ایوب، سلمان آغا اور حارث سے امیدیں وابستہ ہیں، جبکہ شبمن گل، سوریا کمار یادیو اور جسپریت بمراہ بھارت کے مہلک ہتھیار ہیں۔واضح رہے کہ حالیہ کارکردگی کے لحاظ سے دونوں ٹیمیں بہترین فارم میں ہیں، بھارت نے ایشیا کپ میں متحدہ عرب امارات کے خلاف 9 وکٹوں سے فتح حاصل کی، پاکستان نے افغانستان اور یو اے ای کو شکست دے کر 3 ملکی سیریز اپنے نام کی۔ایشیا کپ میں دونوں ٹیموں کا ریکارڈ بھی دلچسپ ہے، بھارت نے اب تک 19 میچوں میں سے 10 میں کامیابی حاصل کی جبکہ پاکستان نے 6 جیتے ہیں، پاکستان نے بھارت کے خلاف ایشیا کپ میں آخری فتح 2022 میں سمیٹی۔بھارت 8 بار ایشیا کپ کا چیمپئن بن چکا ہے جبکہ پاکستان نے یہ اعزاز صرف 2 مرتبہ حاصل کیا ہے۔دوسری جانب پاکستانی شائقین کرکٹ نے بھارت کے خلاف میچ سے بڑی اُمیدیں باندھ لی ہیں، اُن کا کہنا ہے کہ امید ہے پاکستانی ٹیم بھارت کے خلاف کامیابی حاصل کرے گی۔گزشتہ روز دبئی میں پریس کانفرنس کرتے ہوئے قومی بلے باز صائم ایوب کا کہنا تھا کہ قومی ٹیم بڑے مقابلے کیلئے پرجوش ہے، پاک بھارت میچ لوگوں کیلئے بڑا ہوتا ہے، ہم بطور ٹیم ہر میچ کی تیاری کرتے ہیں۔انہوں نے کہا کہ کسی کی پرفارمنس اچھی نہ ہو تو وہ بڑا میچ جتوا کر کور کر لیتا ہے، چاہتے ہیں ہر کوئی ایک ایک میچ جتواتا رہے تاکہ کمبی نیشن بنے، وکٹ خشک ہے، پہلے بیٹنگ کرنا اچھا ہوگا۔

ٹریفورڈ:انگلینڈ نے جنوبی افریقی بولرز کا بھرکس نکال دیا، ٹی 20 کرکٹ میں بھی نئی تاریخ رقم کر دی۔اولڈ ٹریفورڈ میں کھیلے گئے میچ میں میزبان انگلینڈ نے 2 وکٹوں کے نقصان پر 304 رنز کا پہاڑ کھڑا کر کے سیریز 1-1 سے برابر کر دی، فل سالٹ نے انگلینڈ کی ٹی 20 تاریخ کی تیز ترین سنچری سکور کرتے ہوئے ٹیم کو جنوبی افریقا کے خلاف تاریخی جیت دلائی۔فل سالٹ نے صرف 39 گیندوں پر سنچری بنا کر لیام لیونگسٹون کا ریکارڈ توڑ دیا، وہ 60 گیندوں پر 141 رنز بنانے میں کامیاب رہے، لیام لیونگسٹون نے 2021 میں پاکستان کے خلاف ٹی 20 سیریز میں 42 گیندوں پر سنچری سکور کی تھی۔جوس بٹلر نے بھی شاندار بیٹنگ کا مظاہرہ کرتے ہوئے 30 گیندوں پر 83 رنز بنائے اور سالٹ کے ساتھ 126 رنز کی شراکت قائم کی، جیکب بیتھیل نے 24 رنز اور کپتان ہیری بروک نے 21 گیندوں پر 41 رنز کی ناقابل شکست اننگز کھیلی۔

ابوظہبی : ٹی 20 ایشیا کپ کے 5ویں میچ میں سری لنکا نے بنگلا دیش کے خلاف ٹاس جیت کر پہلے فیلڈنگ کا فیصلہ کیا ہے۔یہ میچ ابوظہبی کے زید کرکٹ سٹیڈیم میں کھیلا جارہا ہے۔یاد رہے کہ دونوں ٹیمیں ایونٹ میں آج اپنا پہلا میچ کھیل رہی ہیں، پاکستان اپنا دوسرا میچ اتوار کو بھارت کے خلاف کھیلےگا۔ سری لنکا سکواڈ: پاتھم نسانکا، کوشل مینڈس (وکٹ کیپر)، کامل مشارا، کوشل پریرا، چریتھ اسالانکا (کپتان)، کامندو مینڈس، داسن شناکا، وانندو ہسارانگا، دشننتھا چمیرا، بنورا فرنینڈو اور نوان توشارا۔ بنگلا دیش سکواڈ: تنزید حسن، پرویز حسین ایمن، لٹن داس (کپتان و وکٹ کیپر)، توحید ہری دائے، شمیـم حسین، جاکر علی، مہدی حسن، تنزیم حسن، رشاد حسین، شریف الاسلام اور مستفیض الرحمان۔واضح رہے ہیڈ ٹو ہیڈ ریکارڈ کے مطابق دونوں ٹیمیں اب تک 20 بار ٹی20 انٹرنیشنل میچوں میں آمنے سامنے آچکی ہیں، جن میں سری لنکا نے 12 جبکہ بنگلا دیش نے 8 میچ جیتے ہیں، ایشیا کپ ٹی20 میں دونوں ٹیمیں دو مرتبہ مدمقابل آئیں اور ایک ایک میچ میں فتح حاصل کی۔

دبئی: پاکستانی جارح بلے باز صائم ایوب نے کہا کہ وکٹ خشک ہے، روایتی حریف بھارت کیخلاف پہلے بیٹنگ کرنا اچھا ہوگا۔دبئی میں پریس کانفرنس کرتے ہوئے پاکستانی جارح مزاج بیٹر صائم ایوب نے کہا کہ بطور ٹیم ہم ایک دوسرے پر بھروسہ کرتے ہیں۔انہوں نے کہا کہ کسی کی پرفارمنس ایک دو، میچز میں اچھی نہ بھی ہو تو وہ بڑا میچ جتوا کر کور کر لیتا ہے۔صائم ایوب کا کہنا تھا کہ چاہتے ہیں ہر کوئی ایک، ایک میچ جتواتا رہے تاکہ کمبی نیشن بنے۔انہوں نے کہا کہ پاک بھارت میچ لوگوں کے لیے بڑا ہوتا ہے، ہم بطور ٹیم ہر میچ کے لیے تیاری کرتے ہیں۔