گورنر کے پی کی آصف بھٹو سے ملاقات‘ انسداد پولیو امور پر اہم گفتگو

اسلام آباد(سٹاف رپورٹر) گورنر خیبرپختونخوا فیصل کریم کنڈی نے پاکستان کی خاتون اوّل، رکن قومی اسمبلی اور پولیو کے خاتمے کی سفیر آصفہ بھٹو زرداری سے ملاقات کی۔
ملاقات میںصوبہ خیبرپختونخوا میں امن و امان کی صورتحال اور بالخصوص انسداد پولیو سے متعلق امور پر گفتگو کی گئی، عوامی مسائل کے حل میں صوبائی حکومت کی عدم دلچسپی پر افسوس کا اظہار بھی کیا گیا۔
دوران ملاقات پولیو کے بڑھتے کیسز کی روک تھام کیلئے جامع حکمت عملی طے کرنے کی تجاویز پر بھی غور وغوض کیا گیا۔
اس موقع پر آصفہ بھٹو زرداری نے اپنی والدہ بے نظیر بھٹو شہید کے ویژن کے مطابق گورنر ہاؤس پشاور سے ویمن امپاورمنٹ اور بین المذاہب و المسالک ہم آہنگی کے فروغ کیلئے اقدامات اٹھانے پر گورنر فیصل کریم کنڈی کی کاوشوں کی تعریف کی۔