سونے کے عالمی نرخ کم ہونے کے باوجود مقامی قیمت میں اضافہ

کراچی: انٹرنیشنل مارکیٹ میں سونے کی قیمت میں کمی کے باوجود سونے کے مقامی تاجروں نے قیمتوں میں ہوشربا اضافہ کردیا۔

بین الاقوامی مارکیٹ میں کاروباری ہفتے کے دوسرے روز ٹریڈنگ کے دوران سونے کی فی اونس قیمت 13 ڈالرز گھٹ کر 1925 ڈالر کی سطح پر پہنچ گئی۔

انٹرنیشنل مارکیٹ میں کمی کے باوجود مقامی صرافہ مارکیٹوں میں بدھ کو فی تولہ اور فی دس گرام سونے کی قیمتوں میں بالترتیب 1300 روپے اور 1115 روپے کا اضافہ ہوا۔
جس کے نتیجے میں کراچی، حیدرآباد، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھکر 190600 روپے اور فی دس گرام سونے کی قیمت بڑھکر 163409 روپے کی سطح پر آگئی.