ہدف کے تعاقب میں اسلام آباد یونائیٹڈ کی بیٹنگ جاری

کراچی: اسلام آباد یونائیٹڈ کی کراچی کنگز کے خلاف 174 رنز کے تعاقب میں بیٹنگ جاری ہے۔ اسلام آباد یونائیٹڈ نے 6 اوورز میں 2 وکٹوں کے نقصان پر 45 رنز بنا لیے ہیں۔

نیشنل اسٹیڈیم کراچی میں جاری پاکستان سپر لیگ کے تیسرے میچ میں کراچی کنگز نے مقررہ 20 اوورز میں 7 وکٹوں کے نقصان پر173 رنز اسکور کیے۔

کراچی کنگز کی جانب سے حیدر علی 59 رنز بنا کر نمایاں رہے۔ شرجیل خان 34، عرفان خان نیازی 19، شعیب ملک 18، میتھیو ویڈ 18، جیمز ونس 4 رنز بنا کر آؤٹ ہوئے۔جیمز فلر 12 رنز بنا کر ناقابلِ شکست پویلین لوٹے۔
کپتان عماد وسیم کوئی رنز اسکور نہ کر سکے۔

اسلام آباد یونائیٹڈ کی جانب سے محمد وسیم جونیئر، ٹام کرن اور رمان رئیس نے 2،2 جبکہ فہیم اشرف نے 1 وکٹ حاصل کی۔