Category: کھیل

لاہور: پی ایس ایل 10 میں کراچی کنگز اور پشاور زلمی کے درمیان آج ہونیوالا میچ ملتوی کردیا گیا۔ پی سی بی نے باضابطہ اعلان کردیا۔پاکستان کرکٹ بورڈ نے پی ایس ایل 10 میں آج کراچی کنگز اور پشاور زلمی کے درمیان راولپنڈی میں ہونیوالا میچ ملتوی ہونے کا باقاعدہ اعلان کردیا۔پی سی بی کا کہنا ہے کہ پی ایس ایل 10 کا آج کراچی کنگز اور پشاور زلمی کے درمیان میچ ری شیڈول کردیا گیا ہے، تمام اسٹیک ہولڈرز کو اعتماد میں لے کر آج کا میچ ری شیڈول کیا، نئی تاریخ کا اعلان بعد میں کیا جائے گا۔پی سی بی کے مطابق آج کے میچ کی ٹکٹوں کی واپسی ٹی سی ایس کاؤنٹر سے ہوگی جبکہ آن لائن ٹکٹیں خریدنے والوں کو آن لائن پیسے واپس آجائیں گے۔واضح رہے کہ بھارت نے پاکستان کے مختلف شہروں پر ڈرون حملے کیے ہیں، جس میں راولپنڈی بھی شامل ہے، جہاں کرکٹ اسٹیڈیم کے قریب ڈرون گرا، واقعے میں 2 افراد زخمی ہوگئے۔

بنکاک: عالمی یوتھ چیمپئن پاکستان کے عثمان وزیر نے اپنی 16ویں پروفیشنل فائٹ میں بھارتی حریف کو پہلے راؤنڈ میں ناک آؤٹ کر دیا۔ذرائع کے مطابق تھائی لینڈ کے شہر بنکاک کے ورلڈ سائم سٹیڈیم میں ہونے والی فائٹ میں 25 سالہ پروفیشنل باکسر عثمان وزیر نے بھارت کے ایسوارن ساھیتا دورتھی کو ایک منٹ 25 سیکنڈ میں ہی ڈھیر کردیا۔عثمان وزیر اب تک اپنے تمام 16 پروفیشنل مقابلے جیت کر ناقابل شکست ہیں، 11 فائٹس میں عثمان وزیر نے ناک آوٹ کی بنیاد پر کامیابیاں حاصل کیں۔واضح رہے کہ گزشتہ برس ستمبر میں بنکاک ہی میں عثمان وزیر نے بھارتی باکسر کو پہلے ہی راونڈ میں 65 ویں سیکنڈ میں ناک آوٹ کر کے عالمی اعزاز اپنے نام کیا تھا۔

لاہور: چیئرمین پاکستان کرکٹ بورڈ (پی سی بی) محسن نقوی نے کہا ہے کہ پاکستان ویمن ٹیم آئی سی سی ویمن ورلڈکپ کھیلنے کےلیے بھارت نہیں جائے گی۔ قومی ویمن ٹیم نے بھارت میں شیڈول آئی سی سی ویمن کرکٹ ورلڈ کپ کےلیے کوالیفائی کرلیا۔ قومی ٹیم نے زبردست کھیل کا مظاہرہ کرتے ہوئے کوالیفائر ایونٹ کے اپنے تمام میچز جیت کر بغیر کسی اگر مگر کے ورلڈ کپ کےلیے کوالیفائی کرلیا۔ تاہم میڈیا سے گفتگو میں چیئرمین پی سی بی نے قومی ویمن ٹیم کے بھارت جانے یا نہ جانے کے سوال کا دوٹوک الفاظ میں جواب دیا اور کہا کہ پاکستان ویمن ٹیم بھارت نہیں جائے گی۔ پاکستان ٹیم معاہدے کے مطابق بھارت نہیں جائے گی۔محسن نقوی کا کہنا تھا کہ یہ معاہدہ تو پہلے ہی ہو چکا ہے، نیوٹرل وینیو کا فیصلہ بھارت کو کرنا ہے۔ یہ نیوٹرل مقام جہاں بھی ہوگا وہاں ہماری ٹیم جائے گی لیکن بھارت نہیں جائیں گے، جب معاہدہ ہے تو پھر معاہدہ ہی چلے گا۔قومی ویمن ٹیم کی شاندار پرفارمنس پر بات کرتے ہوئے چیئرمین پی سی بی محسن نقوی کا کہنا تھا کہ جب ٹیم ایک ٹیم کی طرح کھیلے تو اس طرح کے نتائج آئیں گے۔انہوں نے کہا کہ ہر ٹیم کےلیے یہ ہے کہ وہ ایک ہو کر کھیلیں تو ایسے ہی نتائج آئیں گے۔ ویمن کرکٹرز کو بھی انعام ضرور ملے گا یہ ان کا حق ہے۔چیئرمین پی سی بی کا کہنا تھا کہ ویمن کرکٹ کے حوالے سے ایک دو پراجیکٹس پر کام کر رہے ہیں، جلد آگاہ کریں گے۔انہوں نے کہا کہ ویمن ٹیم میں چھوٹی چھوٹی تبدیلیاں ہوتی رہیں تو پھر ایک ٹریک پر آئے، اس طرح دوسری ٹیموں انڈر 19، شاہین اور قومی ٹیم کے نتائج آنا شروع ہو جائیں گے۔محسن نقوی کا کہنا تھا کہ قومی مینز ٹیم کے حوالے سے آئندہ فیصلے ہوں گے، عاقب جاوید عبوری ذمہ داری سنبھالنے کی درخواست کی یہ عارضی فیصلہ تھا آئندہ ہفتے اس بارے میں دیکھتے ہیں۔جب ان سے سوال کیا گیا کہ محمد رضوان ناراض دکھائی رہے ہیں وہ کہتے ہیں میرے پاس اختیارات نہیں؟ اس کا جواب دیتے ہوئے چیئرمین پی سی بی کا کہنا تھا کہ میں کوئی کمنٹ نہیں کروں گا۔

گلگت:پاکستان کرکٹ ٹیم کے سابق کپتان اور مشہور آل راؤنڈر شاہد خان آفریدی نے کہا ہے کہ اگر ان کا اثر و رسوخ ہوتا تو وہ آج پاکستان کرکٹ بورڈ (پی سی بی) کے چیئرمین ہوتے۔گلگت میں میڈیا سے گفتگو کرتے ہوئے پاکستان کرکٹ ٹیم کے سابق کپتان شاہدخان آفریدی نے کہا کہ اگرمیرا اثررسوخ ہوتا تو آج میں پی سی بی کا چیئرمین ہوتا، ہمارے دور میں قومی کرکٹ ٹیم میں میچ ونرز بہت تھے اب اتنے میچ ونرز نہیں ہیں۔انہوں نے کہا کہ انڈر 16، 17 اور 19 میں کھلاڑیوں کو سکھانا پڑتا ہے، ہمیں نچلے لیول میں تگڑے لوگ چاہئیں تاکہ وہ کھلاڑیوں کی اچھی ٹریننگ کر سکیں۔سابق کپتان کا کہنا تھا کہ ڈومیسٹک کرکٹ کا اسٹرکچر بیوروکریٹ کو دیا جائے تو کسی کو سمجھ نہیں آئے گی، پی سی بی کا چیئرمین جو بھی آتا ہے وہ سیاسی بنیاد پرآتا ہے، چہرے بدلنے سے نظام نہیں بدلتا۔شاہد خان آفریدی نے کہا کہ گلگت بلتستان میں اگر ٹیلنٹ ہوا تو وہ ضائع نہیں ہوگا، میں اگر پی سی بی میں آیا تو پاکستان کی خاطر آؤں گا مجھے کوئی کنٹریکٹ وغیرہ نہیں چاہیے۔

لندن: انٹرنیشنل کرکٹ کونسل نے پلیئر آف دی منتھ کا اعلان کردیا ہے۔آئی سی سی کے مطابق بھارت کے شریاس ائیر آئی سی سی پلیئر آف دی منتھ قرار پائے ہیں جنہیں مارچ کی کارکردگی کی بنیاد پر اس ایوارڈ سے نوازا گیا ہے۔شریاس ائیر نے چیمپیئنز ٹرافی میں بھارت کی جانب سے سب سے زیادہ رنزبنائے،بھارتی بیٹر شریاس ائیر نےچیمپئنز ٹرافی کے 5میچز میں 243رنزبنائے۔اس کے علاوہ آسٹریلیا کی جارجیا وول آئی سی سی ویمن کرکٹر آف دی منتھ قرار پائی ہیں۔یاد رہے کہ شریاس ائیر دوسری مرتبہ آئی سی سی پلیئر آف دی منتھ قرار پائے ہیں۔

راولپنڈی: اسلام آباد یونائیٹڈ نے پشاور زلمی کے خلاف ٹاس جیت کر بیٹنگ کا فیصلہ کر لیا۔راولپنڈی میں کھیلے جانے والے ایونٹ کے 5 ویں میچ میں اسلام آباد کے کپتان شاداب خان نے ٹاس جیت کر پہلے بیٹنگ کا فیصلہ کیا ہے۔اسلام آباد یونائیٹڈ کے سکواڈمیں شاداب خان کپتان، انڈریاس غوث، صاحبزادہ فرحان، کولن منرو، سلمان آغا، اعظم خان، جیسن ہولڈر، عماد وسیم، ساد مسعود، نسیم شاہ، بین ڈارشس شامل ہیں جبکہ پشاور زلمی کی ٹیم میں بابراعظم کپتان، صائم ایوب، محمد حارث، ٹام کوہلرکیڈمور، مچل اوون، حسین طلعت، جارج لنڈے، الزاری جوزف، محمد علی، سفیان مقیم، علی رضا کھیل رہے ہیں۔

راولپنڈی: سیٹی بج گئی، میدان سج گیا، رنگا رنگ افتتاحی تقریب کیساتھ پی ایس ایل 10 کا آج سے آغاز ہو رہا ہے، افتتاحی میچ میں آج لاہور قلندرز اور اسلام آباد یونائیٹڈ کے درمیان جوڑ پڑے گا۔پی ایس ایل سیزن 10 کا بگل بجنے کو تیار ہے، شام 7 بجے راولپنڈی کرکٹ سٹیڈیم میں رنگا رنگ افتتاحی تقریب سجے گی جس میں آتش بازی کا بھی مظاہرہ ہو گا، تقریب میں معروف گلوکارہ عابدہ پروین، علی ظفر، نتاشہ بیگ اور دیگر آواز کا جادو جگائیں گے۔
پی ایس ایل 10 میں کرکٹ کی دنیا کے کئی بڑے نام کمنٹری میں نظر آئیں گے جن میں انگلینڈ کے سابق کپتان سر الیسٹر کک اور ایم سی سی کے سابق صدر مارک نکولس کے نام قابل ذکر ہیں۔پی ایس ایل میں شائقین کی دلچسپی کیلئے مختلف اقدامات کیے گئے ہیں جن میں پہلی مرتبہ ہر میچ میں مکمل اردو کمنٹری، میچوں کے دوران ریفل ٹکٹ کے ذریعے انعامات اور نئی جدت کے ساتھ پلیئر ٹریکنگ ٹیکنالوجی کا متعارف کرایا جانا شامل ہے۔
ناظرین اس پی ایس ایل میں 32 کیمروں اور جدید ٹیکنالوجی کے ساتھ کوریج کے اعلیٰ معیار سے لطف اندوز ہوسکیں گے اور یہ ایونٹ مختلف چینلز اور ڈیجیٹل پلیٹ فارمز کے ذریعے دنیا بھر میں دیکھا جا سکے گا۔
ایونٹ کے افتتاحی میچ میں دفاعی چیمپئن اسلام آباد یونائیٹڈ اور لاہورقلندرز ٹکرائیں گے، دونوں ٹیموں کے درمیان میچ رات ساڑھے 8 بجے راولپنڈی کرکٹ سٹیڈیم میں شروع ہو گا۔

پاکستان کے نور زمان نے ورلڈ انڈر 23 سکواش چیمپئن جیت کر ملک کا نام پوری دنیا میں روشن کر دیا ۔تفصیلات کے مطابق پاکستان کے نور زمان نے چیمپئن شپ کے فائنل میچ میں مصر کے کریم الترکی کو 3-2 سے شکست دیتے ہوئے بڑی کامیابی سمیٹی ۔ نور زمان نے دو گیمز کے خسارے کے باوجود ہمت نہیں ہاری اور ٹائٹل کو اپنے نام کرنے میں کامیاب رہے ۔نورزمان نے کامیابی پر اپنے خیالات کا اظہار کرتے ہوئے کہا کہ حکمت عملی یہی تھی کہ آخر تک مقابلہ کروں، میچ کافی اچھا تھا، مصری کھلاڑی حال ہی میں بھارت میں ایونٹ جیت کر آیا، میری کوشش یہی تھی کہ اچھا کھیلوں اور جیت سکوں، میچ کیلئے پریشرنہ لینے کا فیصلہ کیاتھا اور ایسا ہی کیا۔
وزیراعلیٰ سندھ مراد علی شاہ نے انڈر 23 ورلڈ سکواش چیمپئن شپ کا فائنل جیتنے پر نور زمان کو مبارکباد پیش کرتے ہوئے پیغام جاری کر دیاہے ۔ انہوں نے کہا کہ مقابلہ انتہائی دلچسپ تھا،دیکھنے میں بڑا لطف آیا، نور زمان نے بڑی مہارت سے کھیلا اور جیت اپنے نام کی، ہمارے کھلاڑی اسی لگن کو برقرار رکھتے ہوئے ملک کا نام روشن کرتے رہیں گے۔