Category: دلچسپ و عجیب

ویتنام میں ایک حیرت انگیز واقعہ پیش آیا جہاں ایک خاتون نے 5 ہفتوں کے وقفے سے جڑواں بچوں کو جنم دیا۔ یہ واقعہ دارالحکومت ہنوئی کے ایک اسپتال میں پیش آیا، جہاں 26 سالہ خاتون ایل ٹی ایچ نے آئی وی ایف کے ذریعے حمل ٹھہرایا۔

حمل کے 24 ویں ہفتے کے دوران خاتون کو شدید تکلیف کا سامنا ہوا اور ڈاکٹروں سے رجوع کرنے پر پتہ چلا کہ حمل میں پیچیدگیاں پیدا ہو رہی ہیں۔ ان کی حالت بگڑتی گئی، اور انہیں ہنوئی کے ایک بڑے اسپتال میں منتقل کیا گیا۔

حمل کے 26 ویں ہفتے میں شدید انفیکشن کے باعث ڈاکٹروں نے فیصلہ کیا کہ آپریشن کرکے بچے کی پیدائش کرنی چاہیے۔ اس آپریشن میں لڑکے کی پیدائش ہوئی جس کا وزن صرف 730 گرام تھا اور اسے انتہائی نگہداشت کے یونٹ میں منتقل کیا گیا۔ تاہم، بچی کی حالت بھی خطرے میں تھی، اور ڈاکٹروں نے اس کی قبل از وقت پیدائش کو جان لیوا سمجھا، اس لیے بچی کو رحم میں رکھنے کا فیصلہ کیا۔

خاتون کی حالت ایک ہفتے بعد بہتر ہونا شروع ہوئی اور انفیکشن کی علامات ختم ہو گئیں۔ حمل کے 31 ویں ہفتے میں، خاتون کا بلڈ پریشر بہت بڑھ گیا، تو ڈاکٹروں نے بچی کی پیدائش کے لیے آپریشن کرنے کا فیصلہ کیا۔ بچی کی پیدائش ہوئی جس کا وزن 1.2 کلوگرام تھا، اور اسے بھی انتہائی نگہداشت کے یونٹ میں منتقل کیا گیا۔

ایک ماہ تک انتہائی نگہداشت میں رہنے کے بعد بچی کی صحت بہتر ہوئی اور اس کا وزن بڑھ کر 2.5 کلوگرام ہو گیا، جس کے بعد اسے اسپتال سے ڈسچارج کر دیا گیا۔

یہ واقعہ نہ صرف طبی لحاظ سے شاندار ہے بلکہ اس میں ماں اور بچوں کی زندگی بچانے کی جدوجہد کی ایک مثالی مثال ہے۔

افغانستان کی طالبان حکومت نے خواتین کو ملازمت دینے والی تمام ملکی اور غیر ملکی این جی اوز کو بند کرنے کا اعلان کیا ہے۔ وزارت اقتصادیات نے کہا ہے کہ جو این جی اوز حکومت کی ہدایات پر عمل نہیں کریں گی، ان کے خلاف کارروائی کی جائے گی اور ان کے لائسنس منسوخ کر دیے جائیں گے۔

یہ فیصلہ افغانستان میں خواتین کے حقوق پر طالبان حکومت کی پالیسی میں مزید سختی کی عکاسی کرتا ہے۔ دو سال قبل طالبان حکومت نے این جی اوز سے خواتین ملازمین کو ہٹانے کا حکم دیا تھا، اور اب انہیں مکمل طور پر بند کرنے کا فیصلہ کیا گیا ہے۔

اس سے قبل طالبان حکومت نے رہائشی عمارتوں میں ایسی کھڑکیاں بنانے پر بھی پابندی عائد کی تھی جن سے خواتین کے استعمال کی جگہوں کو نظر آنا ممکن ہو۔ حکومتی ترجمان نے کہا تھا کہ نئی عمارتوں میں ایسی کھڑکیاں نہیں بننی چاہئیں جن سے کسی کے صحن، باورچی خانے، یا دیگر ایسی جگہوں کو دیکھنا ممکن ہو جہاں خواتین عموماً موجود رہتی ہیں۔

اس فیصلے کے نتیجے میں افغانستان میں خواتین کی معاشی اور سماجی سرگرمیوں پر مزید پابندیاں عائد ہو رہی ہیں، جو عالمی سطح پر تشویش کا باعث بنی ہوئی ہیں۔

لاہور میں سبزیوں اور پھلوں کے نرخوں میں من مانی اضافہ کر دیا گیا ہے، جبکہ سرکاری نرخ نامے آویزاں ہونے کے باوجود ان پر عمل درآمد نہیں ہو رہا۔ آلو کی سرکاری قیمت 80 روپے فی کلو ہونے کے باوجود مارکیٹ میں 100 روپے وصول کیے جا رہے ہیں، اسی طرح پیاز، لہسن، ٹماٹر، سیب، امرود اور انگور کی قیمتوں میں بھی غیر قانونی اضافہ دیکھنے کو مل رہا ہے۔ اس کے علاوہ مرغی کے گوشت کی قیمت بھی 5 دن میں 403 روپے فی کلو سے بڑھ کر 468 روپے فی کلو ہو گئی ہے۔

دکانداروں کا کہنا ہے کہ منڈی سے سبزیاں سرکاری نرخوں سے زیادہ قیمت پر ملتی ہیں، اور ٹرانسپورٹیشن، دکان کے اخراجات اور بجلی کے بلوں کے باعث وہ کم قیمت پر سبزیاں بیچنے سے قاصر ہیں۔ دوسری جانب، شہریوں کا کہنا ہے کہ بڑھتی مہنگائی نے ان کی زندگیوں کو مشکل بنا دیا ہے اور حکومت سے مطالبہ کیا ہے کہ وہ صرف خانہ پُری کے بجائے مؤثر اقدامات کرے تاکہ عوام کو ریلیف مل سکے۔

میٹا کے بانی مارک زکربرگ دنیا کے تیسرے امیر ترین شخص ہیں جن کے اثاثوں کی مالیت 223 ارب ڈالرز ہےویسے ان کی تصاویر دیکھ کر تو محسوس ہوتا ہے کہ وہ زیادہ پیسے خرچ کرنا پسند نہیں کرتے کیونکہ وہ اکثر سادہ ٹی شرٹس ہی پہنے نظر آتے ہیں جبکہ کمپنی کی جانب سے انہیں محض ایک ڈالر تنخواہ دی جاتی ہےمگر حالیہ مہینوں میں مارک زکربرگ نے اپنا ذاتی انداز کو کافی حد تک بدلا ہے اور چمکتی سونے کی چین اب اکثر گلے میں جھولتی نظر آتی ہےمگر آج کل وہ جو گھڑی استعمال کر رہے ہیں اس کی قیمت دنگ کر دینے والی وہ آج کل Bulgari Octo Finissimo Ultra COSC نامی گھڑی استعمال کر رہے ہیں یہ دنیا کی سب سے پتلی مکینیکل گھڑی ہے جس کی موٹائی محض 1.7 ملی میٹر ہے یا یوں کہہ لیں کہ یہ ایک دوسرے پر رکھے 2 کریڈٹ کارڈز سے بھی زیادہ پتلی ہےایک انسٹا گرام ویڈیو میں مارک زکربرگ کی کلائی میں یہ گھڑی نظر آئیاس گھڑی کی قیمت 5 لاکھ 30 ہزار ڈالرز (14 کروڑ 73 لاکھ پاکستانی روپے سے زائد) ہے اور اب تک اس کے محض 20 یونٹ ہی تیار کیے گئے ہیں اس گھڑی میں 170 پرزہ جات کو بہت زیادہ پتلے کیس میں شامل کیا گیا ہےٹائیٹینیم کیس کو ہر ممکن حد تک پتلا رکھنے کی کوشش کی گئی ہےاس سے قبل ستمبر 2024 میں مارک زکربرگ De Bethune DB25 Starry Varius Aérolite نامی بہت نایاب گھڑی پہنے نظر آئے تھےاس گھڑی کا ڈائل ایک شہاب ثاقب سے تیار کیا جاتا ہے جس کا ڈیزائن کہکشاں جیسا ہوتا ہے جبکہ اس پر 24 قیراط سونے کے پتے موجود ہوتے ہیں اس کا اسٹریپ مگرمچھ کی کھال سے تیار کیا جاتا ہےاس گھڑی کی واضح قیمت تو معلوم نہیں مگر ایک تخمینے کے مطابق یہ کم از کم 2 لاکھ 60 ہزار ڈالرز کی ہوتی ہےدلچسپ بات یہ ہے کہ پہلے مارک زکربرگ گھڑی پہننا پسند نہیں کرتے تھےمگر مکیش امبانی کے بیٹے کی شادی کے دوران وہ اننت امبانی کی گھڑی سے بہت زیادہ متاثر ہوئے تھےاس موقع پر انہوں نے کہا تھا کہ ‘میں کبھی گھڑی خریدنا نہیں چاہتا تھا، مگر اسے دیکھنے کے بعد مجھے لگا کہ گھڑیاں تو زبردست ہوتی ہیں’

واٹس ایپ نے ویڈیو اور آڈیو کالنگ کو بہتر بنانے کے لیے 4 اہم فیچر متعارف کرانے کا اعلان کیا ہےمیٹا کی زیر ملکیت میسجنگ ایپ کو 2 ارب سے زائد افراد استعمال کرتے ہیں اور روزانہ کروڑوں افراد آڈیو یا ویڈیو کال کرتے ہیں یہی وجہ ہے کہ کمپنی کی جانب سے نئے فیچرز متعارف کرائے جا رہے ہیں یہ نئے کالنگ فیچرز واٹس ایپ کے ڈیسک ٹاپ ورژن اور موبائل ایپ صارفین کے لیے متعارف کرائے جائیں گےان میں سے ایک فیچر ویڈیو کالنگ ایفیکٹس سے متعلق ہےاس مقصد کے لیے واٹس ایپ کی جانب سے 10 نئے ویڈیو کالنگ ایفیکٹس متعارف کرائے جا رہے ہیں جن سے آپ ویڈیو کالز کے دوران اپنی شخصیت کو تبدیل کرسکیں گے ایک نیا فیچر گروپ کالنگ سے متعلق ہے اور یہ بہت زیادہ کارآمد ثابت ہوگا اس فیچر کے ذریعے صارفین کسی بھی واٹس ایپ گروپ میں شامل کسی ایک فرد یا مخصوص افراد کو منتخب کرکے ان کو کال کرسکیں گے ابھی واٹس ایپ گروپ میں کال کرنے پر اس میں سب افراد شامل ہو جاتے ہیں مگر اس نئے فیچر سے آپ اپنے پسندیدہ افراد سے آرام سے بات کرسکیں گے اور دیگر کو اس علم بھی نہیں ہوگا کمپنی کی جانب سے واٹس ایپ کے ڈیسک ٹاپ ورژن میں بھی کالنگ کے تجربے کو بہتر بنایا جا رہا ہے اس مقصد کے لیے ایک نئے کالز ٹیب کا اضافہ کیا جا رہا ہے تاکہ صارفین آسانی سے کالز کرسکیں یا کال لنکس بناسکیں چوتھا فیچر ویڈیو کالنگ کے معیار کو بہتر بنانے میں مدد فراہم کرے گااس فیچر کے تحت ہائی ریزولوشن ویڈیو ون آن ون اور گروپ کالز کے درمیان نظر آئے گی

انسٹا گرام نے ایک نیا فیچر ٹرائل ریلز متعارف کرایا ہےاس فیچر کا مقصد صارفین کو اپنے خیالات کی آزمائش اور مواد پر ابتدائی فیڈ بیک حاصل کرنا ہےاس فیچر کے ذریعے صارفین اپنی ریلز ایسے اکاؤنٹس سے شیئر کرسکیں گے جو ان کے فالوورز نہیں ہوں گےیعنی انہیں اپنی ریلز کے لیے وسیع پلیٹ فارم مل سکے گا اور پھر وہ اپنے فالوورز کے لیے اسے پوسٹ کرسکیں گے
کمپنی کے مطابق اس فیچر کو استعمال کرنے کے لیے آپ کو انسٹا گرام کے پروفیشنل اکاؤنٹ کی ضرورت ہوگی، فی الحال کچھ عام صارفین کو بھی اس فیچر تک رسائی حاصل ہے مگر ایسا فیچر کی آزمائش کے لیے کیا گیا ہے ٹرائل ریلز کو ابتدائی طور پر نان فالوورز کو دکھایا جائے گا جس سے صارفین کو نئے مواد کے ٰخیالات اور کارکردگی کو جانچنے کا موقع ملے گا اگر ایک ٹرائل ریل کی کارکردگی اچھی رہی تو پھر صارف اسے آسانی سے اپنے فالوورز سے شیئر کرسکے گااس فیچر کو استعمال کرنے کے لیے یعنی ٹرائل ریل بنانے کے لیے معمول کے مطابق ریل بنانا شروع کریں اور شیئرنگ کے مرحلے سے پہلے کے تمام کام مکمل کریں شیئرنگ سے قبل ٹرائل موڈ آپشن کو ٹرن آن کریں اس کے بعد ریل کو شیئر کر دیں واضح رہے کہ ٹرائل ریل آپ کی پروفائل مین گرڈ، ریلز ٹیب یا فیڈ پر اس وقت تک نظر نہیں آئے گی جب تک آپ اسے تمام افراد کے لیے شیئر نہ کریں آپ 24 گھنٹوں میں ٹرائل ریل کے ویوز اور انگیج منٹ کی تفصیلات دیکھ سکیں گے کمپنی کے مطابق جب آپ ٹرائل ریل بنائیں گے تو 72 گھنٹوں میں اس کے ویوز کو مدنظر رکھتے ہوئے کمپنی کی جانب سے اسے خودکار طور پر آپ کے فالوورز سے شیئر کر دیا جائے گا البتہ آپ اس سٹینگ کو جب مرضی تبدیل کرسکتے ہیں انسٹا گرام نے بتایا کہ اس فیچر کی آزمائش کچھ عرصے قبل شروع کی گئی تھی اور فیڈ بیک کو مدنظر رکھ کر اس کا موجودہ ورژن متعارف کرایا گیا ہے