Category: دلچسپ و عجیب

5 دہائیوں سے زائد عرصے تک شام پر حکومت کرنے والے الاسد خاندان کے اقتدار کا سورج غروب ہوگیا ہے شام میں باغیوں نے مختلف شہروں کے بعد 8 دسمبر کو دارالحکومت دمشق پر بھی قبضہ کرلیا جبکہ بشار الاسد ملک سے فرار ہوگئے صدر بشار الاسد کے ملک سے فرار ہونے کے بعد باغی گروپ تحریر الشام ملیشیا کے سربراہ ابو محمد الجولانی نے اپنے بیان میں کہا کہ پُرامن انتقال اقتدار تک سابق وزیراعظم محمد غازی الجلالی تمام ریاستی اداروں کو چلائیں گ آپ نیچے جان سکیں گے کہ کس طرح الاسد خاندان نے شام میں اقتدار کا آغاز کیا اور کس طرح وہ زوال کا شکار ہوا 1970-71 : حافظ الاسد نے بغاوت کی قیادت کی اور صدر بن گئے حافظ الاسد اس وقت شامی حکومت میں وزیر دفاع تھے اور انہوں نے ایک تحریک کی قیادت کرتے ہوئے 16 نومبر 1970 کو فوجی بغاوت کی وہ 1971 میں بعث پارٹی کے امیدوار کے طور پر شام کے صدر منتخب ہوئے کیونکہ ان کے مقابلے پر کوئی امیدوار ہی کھڑا نہیں ہوا 1973 – اسرائیل سے جنگ شام اور مصر نے اسرائیل پر اچانک حملہ کیا تھا تاکہ 1967 کی 6 روزہ جنگ میں اسرائیلی قبضے میں جانے والی زمین کو دوبارہ حاصل کیا جاسکے
مگر اس جنگ میں دونوں ممالک کو شکست ہوئی اور شام گولان کی پہاڑیاں اسرائیل کو دینے پر مجبور ہوگیا 1982 – حماہ میں قتل عام حافظ الاسد حکومت نے حماہ شہر میں اخوان المسلمین کی تحریک کے خلاف خونی آپریشن کیامختلف تخمینوں کے مطابق حکومتی کریک ڈاؤن میں 10 سے 40 ہزار افراد ہلاک ہوئے1994 – باسل الاسد کا انتقال
باسل حافظ الاسد کے بڑے بیٹے اور ممکنہ جانشین تھے جو 1994 میں گاڑی کے ایک حادثے میں ہلاک ہوئے
اس واقعے کے بعد حافظ الاسد نے اپنے چھوٹے بیٹے بشار الاسد کو قیادت کے لیے تیار کرنا شروع کیا، حالانکہ اس وقت بشار الاسد ماہر امراض چشم کے طور پر تربیت حاصل کر رہے تھے2000 – حافظ الاسد کا انتقال اور بشار الاسد کے اقتدار کا آغازلگ بھگ 30 سال تک اقتدار میں رہنے کے بعد حافٖظ الاسد کا انتقال 10 جون 2000 کو ہوا بشار الاسد کی عمر اس وقت 34 سال تھی اور انہیں صدر بنانے کے لیے آئین میں تبدیلیاں کرکے صدر کے لیے کم از کم عمر کی حد کو کم کیا گیا، جس کے بعد وہ صدر منتخب ہوئے کیونکہ ان کے مقابلے پر کوئی امیدوار کھڑا نہیں ہوا 2000-2011 – بشار الاسد کے اقتدار کا ابتدائی عرصہ
ستمبر 2000 میں 100 دانشوروں نے مارشل لا اٹھانے اور زیادہ سیاسی آزادی دینے کا مطالبہ کیا، جسے بہار دمشق کے نام سے جانا جاتا ہے
بشار الاسد نے ابتدا میں محدود اصلاحات متعارف کرائیں جیسے معیشت پر حکومتی کنٹرول کو کم کیا جبکہ کچھ سیاسی پابندیوں کو نرم کردیا، مگر ان اصلاحات کی زندگی مختصر المدت رہی اور حکومت نے ایک بار پھر آمرانہ روش اپناتے ہوئے مخالفین کے ٓخلاف کریک ڈاؤن شروع کر دیاکرپشن، معاشی عدم مساوات اور سیاسی مخالفین کو دبانے کا سلسلہ برقرار رہا جس سے حالات بتدریج خراب ہونے لگے 2011 – شامی خانہ جنگی کا آغازعرب بہار سے متاثر ہوکر شام بھر میں مظاہرین نے سیاسی آزادی اور کرپشن کے خاتمے کا مطالبہ کیا، جس کے جواب میں بشار الاسد کی حکومت نے پرتشدد کریک ڈاؤن کیا جس پر خانہ جنگی کا آغاز ہوگیا

پپیتا ناصرف خوش ذائقہ پھل ہے بلکہ افادیت کے اعتبار سے بھی اس کا شمار بہترین پھلوں میں کیا جاتا ہے قدرت نے پپیتے میں اینٹی آکسیڈینٹ، فائبر اور وٹامنز کی بھرمار رکھی ہے، جو ناصرف جلدِ کیلئے ضروری ہوتے ہیں بلکہ یہ قوت مدافعت کو بھی مضبوط بنانے میں معاون ہوتے ہیں تاہم یہ بات سب کو ہی معلوم ہے جسم میں کسی بھی چیز کی زیادتی آپ کیلئے تکلیف کا باعث بن سکتی ہے پیٹ کی خرابی پپیتے میں فائبر کی بھرپور مقدار کے ساتھ ساتھ ایک ہاضمہ انزائم بھی پایا جاتا ہے جسے پاپین کہتے ہیں جو جسم میں پروٹین کو توڑنے میں مدد دیتے ہیں اسے ایک خاص مقدار میں کھایا جائے تو کھانا ہضم کرنے کیلئے بہترین ہے اور اگر ضرورت سے زیادہ اس کا استعمال کیا جائے تو یہ پیٹ خرابی کا باعث بھی بن سکتا ہے الرجی پپیتے میں موجود پاپین بہت سے لوگوں کو نہیں بھاتا جس کی وجہ سے وہ کسی نہ کسی الرجی کا شکار ہو جاتے ہیں، خاص طور پر یہ پھیپھڑوں پر اثر دکھاتا ہے، الرجی کی علامات میں خارش، سوجن اور سانس میں دشواری بھی ہو سکتی ہےشوگر کی سطح کو کم کرنے کا سبب

پولینڈ کے ایک نوجوان نے شادی کی پیشکش کےلیے محبوبہ کو ساتھ بٹھا کر ہیلی کاپٹر سے فضا میں “MARRY ME” اسکیچ کیا پولینڈ میں ایک نوجوان نے اپنی محبوبہ کو شادی کی پیشکش کرنے کے لیے کرایہ کے ہیلی کاپٹر سے اڑان بھر کر فضا میں میری می (MARRY ME) کے الفاظ اور دل کا نشان اسکیچ کیا اور بعد ازاں فلائٹ ریڈار نے ہیلی کاپٹر کی پرواز سے فضا میں لکھے گئے الفاظ اور دل کے نشان کی تصویر جاری کی فلائٹ ریڈار کے مطابق یکم دسمبر کو پولینڈ کے نواحی علاقے میں الیگزینڈر نامی نوجوان نے ہیلی کاپٹر میں اپنی محبوبہ اور پائلٹ کے ساتھ اڑان بھری اور 15 منٹ کی مسافت پر فضائی حدود کی پابندی سے پاک علاقے میں جاکر700 فٹ کی بلندی سے ایک گھنٹے تک پرواز کی تفصیلات کے مطابق جب پرواز اختتام کو پہنچ رہی تھی اور ہیلی کاپٹر ائیرپورٹ کی طرف واپس جا رہا تھا تو پائلٹ نے الیگزینڈر کو پرجوش اشارہ کیا جس کے بعد الیگزینڈر نے اپنی محبوبہ اولیویا سے سے کہا کہ وہ فلائٹ ریڈار پر اپنی پرواز کو ٹریک کرےخبر کے مطابق جیسے ہی اولیویا نے موبائل فون سے فلائٹ ریڈار پر ہیلی کاپٹر کو ٹریک کیا تو پرواز کا روٹ دیکھتے ہی وہ “ہاں” کہتے ہوئے چیخ اٹھی اور اس کے ساتھ ہی الیگزینڈر نے شادی کی پیشکش کی خاص انگوٹھی نکال کر اپنی محبوبہ کو پہنا دی

اب آپ اپنے اینڈرائیڈ فون کو ان لاک کیے بغیر بھی کالز اور ٹیکسٹ میسجز بھیج سکیں گےجی ہاں واقعی گوگل کے آرٹی فیشل انٹیلی جنس (اے آئی) اسسٹنٹ جیمنائی کی مدد سے آپ فون کو ان لاک کیے بغیر کال کرسکیں گے یا ٹیکسٹ میسج بھیج سکیں گے9 ٹو 5 گوگل کی ایک رپورٹ کے مطابق گوگل کی جانب سے جیمنائی میں ایک نیا اے آئی فیچر متعارف کرایا جا رہا ہےیہ فیچر ابھی محدود صارفین کو دستیاب ہے جو جیمنائی ایپ میں فون کو ان لاک کیے بغیر کالز کرنے یا میسجز بھیجنے کے آپشن کو ان ایبل کرسکتے ہیں
اس اپ ڈیٹ کا مقصد جیمنائی ایپ کے ذریعے روزمرہ کے کاموں کو فون ان لاک کیے بغیر کرنا آسان بنانا ہےاس فیچر کے بارے میں سب سے پہلے اکتوبر 2024 میں بتایا گیا تھااس وقت اینڈرائیڈ اتھارٹی کی ایک رپورٹ میں بتایا گیا تھا کہ جیمنائی لائیو کے لیے اس فیچر پر کام کیا جارہا ہےابھی یہ واضح نہیں کہ تمام صارفین کو یہ فیچر کب تک دستیاب ہوگایہ واحد فیچر نہیں جو جیمنائی کا حصہ بنایا جا رہا ہےاس سے قبل ایک رپورٹ میں بتایا گیا تھا کہ گوگل کی جانب سے ایک ایسے فیچر پر کام کیا جا رہا ہے جس سے صارفین اے آئی اسسٹنٹ کے ذریعے مخصوص فائلز، ریکارڈنگز اور تصاویر کو تلاش کر سکیں گےواضح رہے کہ گوگل کی جانب سے اینڈرائیڈ ڈیوائسز کو جیمنائی فیچرز کا ہب بنایا جا رہا ہے تاکہ اسے دیگر اے آئی اسسٹنٹس سے بہتر بنایا جاسکے

اورکا یا کِلر وہیل وہ سمندری جاندار ہے جو کافی عرصے سے سائنسدانوں کے ذہنوں کو الجھا رہا ہےپہلے سائنسدان یہ جان کر دنگ رہ گئے تھے کہ کِلر وہیل کی جانب سے گریٹ وائٹ شارک کا شکار کیا جاتا ہے اور اکثر اسے کھانے کے لیے نہیں مارا جاتا بلکہ بس جگر کھانے کے لیے ایسا کیا جاتا ہےسائنسدان اب تک اس کی وجہ نہیں جان سکے کہ اچانک کِلر وہیل نے گریٹ وائٹ شارک کا شکار کیوں شروع کردیااب اس سمندری جاندار نے ایک بار پھر سائنسدانوں کے ذہنوں کو گھما دیا ہےشمالی امریکا کے مغربی ساحلی علاقوں میں کِلر وہیل کے ایک گروپ میں عجیب بات کو نوٹس کیا گیاان کِلر وہیلز میں سے بیشتر نے اپنے سروں پر ایک مردہ سالمن مچھلی کو ایسے رکھا ہوا ہوتا ہے جیسے انہوں نے کوئی ٹوپی پہنی ہوئی ہو اس طرح کا عجیب رجحان 1980 کی دہائی کے آخر میں بھی نظر آیا تھا مگر اب لگ بھگ 40 سال بعد کِلر وہیلز ایسا کیوں کر رہی ہیں، سائنسدان اس سوال کا جواب نہیں جان سکےاس طرح کا پہلا مشاہدہ 1987 میں ہوا تھا جب شمال مشرقی بحر الکاہل میں ایک مادہ کِلر وہیل کو مردہ مچھلی ناک پر رکھ کر لے جاتے ہوئے دیکھا گیااس کے چند ہفتوں بعد یہ رویہ کِلر وہیلز کے دیگر گروپس کے اراکین نے اپنا لیامگر 1988 میں کِلر وہیلز نے اچانک ہی ایسا کرنا چھوڑ دیا مگر اب پھر ان میں مردہ مچھلیوں کو سر پر ٹوپی کی طرح استعمال کیا جا رہا ہےیہ واضح نہیں کہ اس طرح کِلر وہیلز کی جانب سے کسی قسم کے فیشن کا اظہار کیا جا رہا ہے یا وہ خوراک کو بعد میں کھانے کے لیے ذخیرہ کرنے میں مصروف ہیں کِلر وہیلز کی جانب سے اکثر اضافی خوراک کو fins میں محفوظ کیا جاتا ہے تو ہوسکتا ہے کہ سر پر مچھلی کو بھی اسی لیے رکھا جا رہا ہو ایسا بھی ممکن ہے کہ وہ اس طرح کی ٹوپیوں کی کِلر وہیلز کے گروپس کے اندر کوئی اہمیت ہوتی ہو یا یہ بس ان سمندری جانداروں کا کوئی کھیل ہو ماہرین کے مطابق حقیقت تو یہ ہے کہ اس بارے میں کچھ بھی کہنا مشکل ہے اور کِلر وہیلز کے اس رویے نے ہمارے ذہنوں کو بھی الجھا دیا ہے کیونکہ اس کی وضاحت سمجھ نہیں آرہی ان کی جانب سے ڈرونز کے ذریعے اس رویے کو مانیٹر کرنے کی منصوبہ بندی کی جا رہی ہے تاکہ اس کا مقصد سمجھنے کی کوشش کی جاسکےسائنسدانوں کے مطابق مزید مشاہدے سے اس عجیب رویے کی تفصیلات سامنے آسکتی ہیں