Category: اہم خبریں

پاکستان اور بیلاروس کے درمیان مختلف شعبوں میں دو طرفہ تعاون کے معاہدے طے پا گئےپاکستان اور بیلاروس کے وزرائے خارجہ کی ملاقات میں دو طرفہ امور پر گفتگو کی گئی اور دونوں ممالک کے وزرائے خارجہ کی موجودگی میں پاکستان اور بیلا روس کے درمیان مختلف معاہدوں پر دستخط کیے گئےاس سے پہلے بیلاروس کے وزیر خارجہ دفتر خارجہ آئے جہاں نائب وزیراعظم اور وزیر خارجہ اسحاق ڈار نے ان کا استقبال کیابیلاروس کے صدر الیگزینڈر لوکاشینکو آج اسلام آباد پہنچیں گے جبکہ بیلاروس کا 68 رکنی وفد اتوار کو اسلام آباد پہنچا تھا جس میں 43 بڑی کاروباری شخصیات بھی شامل ہیں
قبل ازیں بیلاروس بزنس فورم سے خطاب کرتے ہوئے وفاقی وزیر جام کمال کا کہنا تھا پاکستان میں بیلاروس کے ٹریکٹرز پائیداری اور مضبوطی کی علامت سمجھے جاتے ہیں اور یہاں مقامی مارکیٹ میں ان کی طلب بہت زیادہ ہےانہوں نے کہا کہ پاکستان اور بیلاروس علاقائی تجارت اور کنیکٹیویٹی کے فروغ کے لیے شنگھائی تعاون تنظیم میں شراکت دار بھی ہیں، پاکستان بیلاروس سے ٹیکنالوجی منتقلی اور مشترکہ منصوبوں میں سرمایہ کاری کا خواہاں ہےجام کمال نے کہا کہ پاکستان میں غیرملکی سرمایہ کاری کے لیے توانائی، زراعت، آئی ٹی اور دیگر شعبے کھلے ہیں

ملتان- نشتر اسپتال کے ڈائیلیسز یونٹ سے مریضوں میں ایڈز منتقلی کے معاملے پر پولیس نے ڈائیلیسز ر یکارڈ میں ردوبدل اور بوگس رپورٹس کے شواہد ملنے کا دعویٰ کیا ہےپولیس تحقیقات کے مطابق ڈائیلیسزیونٹ میں 25 مریضوں میں ایڈز منتقلی کی تصدیق ہوچکی ہے، 11 اکتوبرکوپہلاکیس رپورٹ ہوا تو ڈاکٹرز نے لیب سےجعلی رپورٹس بنوائیں، سینئر ڈاکٹرز نے مجرمانہ غفلت کی اور ریکارڈ میں ردوبدل کیاپولیس تحقیقات میں بتایا گیا ہے کہ جعلی رپورٹس کو ڈائیلیسز یونٹ کے ریکارڈ میں ظاہر کیاگیاپولیس رپورٹ آج سیکرٹری اسپیشلائزڈ ہیلتھ کیئر اینڈ میڈیکل ایجوکیشن کودی جائے گی جب کہ اس معاملے میں ملوث ڈاکٹرز کے خلاف کارروائی کی سفارش ہیلتھ کیئر کمیشن کرے گاواضح رہے کہ حال ہی میں نشتر اسپتال کے ڈائیلیسز یونٹ میں ایڈز کے مریض کا ڈائیلیسز کیا گیا تھا جس کے بعد اسی مشین پر دیگر مریضوں کا ڈائیلیسز کرنے سے وائرس ان میں بھی منتقل ہوگیا تھابعد ازاں نشتر اسپتال کے دورے کے موقع پر وزیراعلیٰ پنجاب مریم نواز نے غفلت برتنے پر شدید برہمی کا اظہار کرتے ہوئے ایم ایس نشتر اسپتال ڈاکٹر کاظم اور وائس چانسلر نشتر میڈیکل یونیورسٹی ڈاکٹر مہناز خاکوانی سمیت 5 سینئر ڈاکٹرز کو معطل کردیا تھا

کیا آپ امریکی خلائی ادارے ناسا کی مدد کرکے کروڑ پتی بننا چاہتے ہیں اگر ہاں تو آپ کو ناسا کو بتانا ہوگا کہ چاند پر مستقبل قریب میں انسانوں کے پہنچنے کے بعد کچرے کو کیسے محفوظ طریقے سے ری سائیکل کیا جائےلیونا ری سائیکل چیلنج نامی پروگرام کے لیے لوگوں کو اپنے آئیڈیاز فراہم کرنے کا کہا جائے گا ناسا کے مطابق ادارے کی جانب سے فضلے کو ری سائیکل کرنے والی ٹیکنالوجیز کو ترجیح دی جائے گی امریکی ادارے کا کہنا تھا کہ زمین سے باہر کے حالات اور وہاں کی کھوج میں مددگار ڈیوائسز میں ان ٹیکنالوجیز کا استعمال کیا جائے گاجو کوئی اس کا متنوع حل پیش کرے گا، وہ ناسا سے 3 لاکھ ڈالرز تک (82 کروڑ پاکستانی روپے سے زائد) جیت سکے گادنیا کے کسی بھی ملک کا شہری اس پروگرام کے لیے اپنے آئیڈیاز بھیج سکتا ہے، بس اس کی عمر 18 سال یا اس سے زائد ہونا ضروری ہوگی اس چیلنج میں شرکت کرنے والے اپنا کام 2 کمپیٹیشن ٹریکس میں جمع کراسکیں گے، ایک پروٹوٹائپ بِلڈ ٹریک اور ڈیجیٹل ٹوئن ٹریک اس بارے میں تفصیلات اس لنک پر جاکر دیکھی جاسکتی ہیں پہلے مرحلے میں ڈیزائننگ، ہارڈ وئیر اور سسٹمز تفصیلات پر توجہ مرکوز کرنا ہوگی اس مرحلے کے فاتح کو 10 لاکھ ڈالرز کا نقد انعام دیا جائے گاپہلے مرحلے میں صرف ڈیزائنز کو جمع کرنا ہوگا، ہارڈ وئیر یا کسی پروٹوٹائپ کی ضرورت نہیں ہوگی دوسرے مرحلے میں مکمل سسٹم کی ورچوئل نقل ڈیزائن کرنا ہوگی اور اس مرحلے کے فاتح کو 20 لاکھ ڈالرز کا نقد انعام دیا جائے گا

اسلام آباد انتظامیہ نے سی آئی اے بلڈنگ آئی نائن کو سب جیل قرار دے دیا تحریک انصاف کے احتجاج اور گرفتاریوں کے پیش نظر انتظامیہ نے آئی نائن میں واقع سی آئی اے بلڈنگ کو سب جیل قرار دیا ہےچیف کمشنر اسلام آباد نے سی آئی اے بلڈنگ کو سب جیل قرار دینے کا نوٹیفکیشن جاری کردیا جس کے مطابق بلڈنگ کو آرٹیکل پرزنرز ایکٹ 1894 کی سکیشن 3 کے تحت سب جیل قرار دیا گیا ہےاسلام آباد انتظامیہ کی درخواست پر سب جیل بنانے کی منظوری وزارت قانون اور پارلیمانی امور نے دی، حالیہ احتجاج میں گرفتار ہونے والوں کو اس سب جیل میں رکھا جائےگاتحریک انصاف کا احتجاج اور حکومت کی تیاریاں
اسلام آباد میں احتجاج کے لیے مختلف علاقوں سے تحریک انصاف کے رہنما و کارکنان اسلام آباد کی طرف رواں دواں ہیں جب کہ کچھ قافلے شہر اقتدار کے قریب بھی پہنچ چکے ہیں
گزشتہ رات برہان انٹرچینج کے قریب ڈھوک گھر میں رات گزارنے کے بعد پی ٹی آئی کا خیبر پختونخوا سے آنے والا ایک قافلہ دوبارہ وزیر اعلیٰ خیبر پختونخوا علی امین گنڈا پور کی قیادت میں اسلام آباد کی جانب رواں دواں ہو گیا ہےدوسری جانب حکومت نے بھی تحریک انصاف کے احتجاج سے نمٹنے کی تیاریاں مکمل کررکھی ہیں آج اسلام آباد، راولپنڈی اور مری کے تمام تعلیمی ادارے بند ہیں جب کہ جڑواں شہروں میں دفعہ 144 نافذ ہونے کے باعث ہر قسم کے احتجاج اور ریلی نکالنے پر پابندی ہےانتظامیہ نے راولپنڈی میں فیض آباد کو کنٹینرز لگا کر مکمل بند کیا ہوا ہے، فیض آباد کو جانے والی مری روڈ کو ڈبل روڈ کے مقام پر ٹرک کھڑے کرکے بند کر رکھا ہے جس کے سبب کام کاج کی غرض سے نکلنے والوں کو شدید دشواری کا سامنا ہ

راولپنڈی- چیئرمین پی ٹی آئی بیرسٹر گوہر کا کہنا ہے کہ ان کی بانی پی ٹی آئی عمران خان سے اہم ملاقات ہوئی ہے جس میں انہوں نے احتجاج کو فائنل کال ہی قرار دیا ہےبانی پی ٹی آئی عمران خان سے پارٹی چیئرمین بیرسٹر گوہر اور ترجمان کے پی حکومت بیرسٹرسیف نے اڈیالہ جیل میں ملاقات کی جو تقریباً ڈیڑھ گھنٹہ جاری رہی عمران خان سے ملاقات کے بعد میڈیا سے گفتگو کرتے ہوئے بیرسٹر گوہر کا کہنا تھا کہ میری بانی پی ٹی آئی سے اہم ملاقات ہوئی ہے، بانی پی ٹی آئی کی احتجاج کی کال فائنل ہے اور احتجاج کال آف والی بات نہیں ہے مذاکرات سے متعلق سوال پر چیئرمین پی ٹی آئی کا کہنا تھا جی اس پر آپ کو ان شاءاللہ بتائیں گے، مذاکرات چل رہے ہیں خیال رہے کہ پی ٹی آئی کی جانب سے عمران خان کی کال پر احتجاج کیا جا رہا ہے، عمران خان نے 24 نومبر کو اسلام آباد کی جانب مارچ کی کال دی تھی تحریک انصاف کا قافلہ گزشتہ روز صوابی سے وزیراعلیٰ کے پی علی امین گنڈا پور کی قیادت میں اسلام آباد کے لیے روانہ ہوا تھا، پی ٹی آئی کے قافلے میں عمران خان کی اہلیہ بشریٰ بی بی کے علاوہ پی ٹی آئی رہنما اور کارکنوں کی بڑی تعداد بھی موجود ہے