Category: اہم خبریں

ملتان :ضلع ملتان میں تین روزہ قومی پولیو مہم 15 دسمبر سے شروع ہو رہی ہے ، جس کے دوران پانچ سال تک کی عمر کے 10 لاکھ 21 ہزار سے زائد بچوں کو پولیو سے بچاؤ کے قطرے پلانے کا ہدف مقرر کیا گیا ہے ۔ انتظامیہ نے مہم کے لئے تمام تیاریاں مکمل کر لی ہیں۔ڈپٹی کمشنر محمد نعمان صدیق نے بتایا کہ مہم کو مؤثر بنانے کے لئے ضلع بھر میں 4,021 پولیو ٹیمیں تشکیل دی گئی ہیں، جبکہ 148 ٹرانزٹ سکواڈز شہر کے داخلی و خارجی راستوں، بس سٹینڈز، ریلوے سٹیشنز اور دیگر اہم مقامات پر بچوں کو قطرے پلانے کے لئے تعینات ہوں گے ۔پولیو مہم کی بہتر مانیٹرنگ کے لئے 133 یونین کونسلز میں 833 ایریا انچارجز اور 135 میڈیکل آفیسرز بھی تعینات کئے گئے ہیں جو ٹیموں کی کارکردگی کی نگرانی کریں گے اور روزانہ کی بنیاد پر رپورٹیں جمع کروائیں گے ۔ ڈپٹی کمشنر نے والدین اور سرپرستوں پر زور دیا کہ اپنے بچوں کو مہم کے دوران قطرے پلانے کے لئے ٹیموں کے ساتھ مکمل تعاون کریں تاکہ ہر بچہ محفوظ اور صحت مند رہے۔

سلام آباد: 11 ویں قومی مالیاتی کمیشن کے افتتاحی اجلاس میں مالیاتی امور کو آگے بڑھانے کے لیے ورکنگ گروپ بنانے کا فیصلہ کیا گیا ہے۔وزیر خزانہ محمد اورنگزیب کی سربراہی میں گیارہویں قومی مالیاتی کمیشن کا اجلاس ہوا جس میں سندھ اور کے پی کے وزرائے اعلیٰ بطور صوبائی وزیر خزانہ شریک ہوئے جبکہ پنجاب اور بلوچستان کے وزرائے خزانہ اور پرائیوٹ ممبران اجلاس میں موجود تھے۔اجلاس میں وفاقی وزارت خزانہ کی جانب سے اپنی مالی صورتحال پر بریفنگ دی گئی جبکہ اجلاس میں چاروں صوبوں نے بھی اپنی مالی پوزیشن پر بریفنگ دی، وزیرخزانہ نے وزرائے اعلیٰ، صوبائی وزرائے خزانہ، سیکرٹریز اور دیگر ارکان کا اجلاس میں شرکت پر شکریہ ادا کیا۔محمد اورنگزیب نے کہا ہے کہ آج کا اجلاس آئینی ذمہ داری اور باہمی تعاون کا اہم موقع ہے، فورم آئینِ پاکستان کے آرٹیکل 150 کے تحت قائم کیا گیا تھا، اس پس منظر میں اس اجلاس کی اہمیت مزید بڑھ جاتی ہے، وفاقی حکومت کا واضح اور پُختہ عزم تھا کہ 11ویں این ایف سی کا افتتاحی اجلاس کسی تاخیر کے بغیر بلایا جائے، وزیراعظم نے خود اس بات میں گہری دلچسپی لی کہ یہ اجلاس جلد از جلد ہو، صوبوں نےبھی اس آئینی ذمہ داری کو بروقت ادا کرنے کا بھرپور ارادہ ظاہر کیا۔وزیر خزانہ کا کہنا تھا کہ پنجاب، خیبرپختونخوا اور سندھ میں آنے والے تباہ کن سیلاب کے باعث یہ اجلاس مؤخر کرنا پڑا، این ایف سی کے حوالے سے قیاس آرائیوں، خدشات کا حل مخلصانہ اور شفاف مکالمہ ہے، آج ہم یہاں کھلے ذہن اور بغیر کسی تعصب کے موجود ہیں، ہماری پہلی ترجیح ایک دوسرے کی بات سننا ہے، وفاقی حکومت یہاں صوبوں کے مؤقف کو سننے کے لیے موجود ہے، امید ہےکہ صوبے بھی ایک دوسرے کے ساتھ تعمیری تعاون کے جذبے سے آگے بڑھیں گے۔انہوں نے مزید کہا کہ صوبوں کی جانب سے نیشنل فِسکل پیکٹ پر دستخط انتہائی قابلِ قدر ہے، یہ ہمارے مشترکہ عزم اور قومی مفاد میں مل کر کام کرنے کی صلاحیت کا ثبوت ہے، صوبوں کا لازمی سرپلسزکے حصول، آئی ایم ایف پروگرام پرعملدرآمد یقینی بنانے پرتعاون قابلِ تحسین ہے۔وزیر خزانہ نے کہا کہ اس سال ملک کو بھارت کی جانب سے غیر معمولی خطرات اور سیلابوں جیسے چیلنجز کاسامناکرنا پڑا، ان کٹھن حالات میں ہم ایک مضبوط وفاق کی صورت میں متحد کھڑے رہے، یہی وہ جذبہ ہے جسے ہم 11ویں این ایف سی ایوارڈ کے عمل میں بھی برقرار دیکھنا چاہتے ہیں، آنےوالے ہفتوں اورمہینوں میں یہ بامقصد اور تعمیری مباحث جاری رہیں گے، امید ہےتمام اراکین بامعنی اورجامع مکالمے کیلیےبھرپورعزم کےساتھ آگے بڑھیں گے، باہمی اتحاد، تعاون اور باہمی احترام کے جذبے کے ساتھ معاملات کو آگے بڑھائیں گے، 11ویں این ایف سی ایوارڈکےمعاملات کو کامیابی سے پائیہ تکمیل تک پہنچانا ہماری منزل ہے۔

پشاور:خیبرپختونخوا میں کل کے احتجاج پر کے پی حکومت اور پی ٹی آئی تنظیم میں اختلافات سامنے آ گئے۔پارٹی ذرائع کے مطابق خیبرپختوںخوا حکومت کا اسلام آباد میں احتجاج کا پروگرام تھا لیکن احمد نیازی نے احتجاج کی کال دے دی۔ذرائع نے بتایا کہ کل کے احتجاج کے حوالے سے حتمی پروگرام ترتیب نہ دیا جا سکا، کل کے احتجاج میں وزیر اعلیٰ صوابی میں خطاب کریں گے یا نہیں تاحال فیصلہ نہ ہو سکا۔پارٹی ذرائع کا کہنا ہے کہ ایم پی ایز اسلام آباد جائیں گے تو ورکرز کو نکالے گا کون اور ان کو لیڈ کون کرے گا۔ذرائع کے مطابق حکومتی اراکین تذبذب کارکنوں کو احتجاج کے لیے نکالنے کے حوالے سے خود بھی تذبذب کا شکار ہیں۔