سوشل میڈیا ایپ فیس بک کی مدد سے گھر سے لاپتا ہونے والی خاتون کو 3 سال بعد تلاش کرلیا گیا بھارتی میڈیا کے مطابق یہ واقعہ لکھنؤ میں پیش آیاجہاں 23 سالہ خاتون کو فیس بک کی مدد سے اپنے بوائے فرینڈ کے ساتھ تلاش کرلیا گیا پولیس نے بتایا کہ کویتا نامی خاتون کی 2017 میں ونے کمار سے شادی ہوئی تھی اور وہ 5 مئی 2021 کو گھر سے لاپتا ہوئی، کویتا کے گھر والوں نے بیٹی کے نہ ملنے پر سسرال والوں پر قتل کا الزام لگایا جس کے بعد اس کے شوہر، بہنوئی، ساس اور بہو کے خلاف مقدمہ درج کیا گیا تاہم تلاش کے باوجود کویتا کا پتا نہیں چل سکا اور ایک سال بعد کویتا کے شوہر نے اس کے گھر والوں پر بیوی کے اغوا کا کیس دائر کردیا جس کے بعد عدالت نے واقعے کی حقیقت جاننے اور کویتا کو تلاش کرنے کا حکم دیا
Category: بین الاقوامی
-
ملتان ٹیسٹ: ابرار احمد بخار میں مبتلا ہوگئے
پاکستان اور انگلینڈ کے درمیان ملتان میں کھیلے جا رہے پہلے ٹیسٹ میچ کے چوتھے روز لیگ اسپنر ابرار احمد بخار میں مبتلا ہوگئے ملتان ٹیسٹ کی پہلی اننگز میں ابرار احمد نے 35 اوورز کرائے اور 174 رنز دیے لیکن چوتھے روز وہ بخار میں مبتلا ہونے کی وجہ سے فیلڈ میں نہیں آئے ابرار احمد نے 35 اوورز میں کوئی وکٹ حاصل نہیں کی
-
آسٹریلیا کی سرکاری ائیرلائن میں دوران پرواز فحش فلم چل گئی
آسٹریلیا کی سرکاری ائیر لائن قنطاس ائیر میں ایک گھنٹے تک چلنے والی فحش فلم سے جہاز میں موجود فیملیز مشکل میں آگئیں غیر ملکی خبر رساں ادارے کے مطابق سڈنی سے ٹوکیو جانے والی قنطاس ائیر لائن کے مسافروں کو اس وقت ایک عجیب وغریب صورتحال کا سامنا رہا جب دوران پرواز اسکرین پر فحش فلم چل گئی غیر ملکی میڈیا رپورٹس کے مطابق غیر مناسب واقعے کا ذکر ریڈٹ پر فلائٹ میں موجودمسافر کی جانب سے شیئر کیا گیا ہے
ریڈٹ پر شیئر کی گئی پوسٹ میں ایک صارف نے بتایا کہ ’ وہ قنطاس ائیر کی فلائٹ میں سڈنی سے ٹوکیو جارہے تھے جس دوران پرواز میں فحش فلم اسکرین پر چل گئی، مسافروں کے پاس فلم کو تبدیل کرنے کا اختیار نہیں تھا اس لیے تکنیکی عملے کو فلم تبدیل کرنے میں ایک گھنٹے کا وقت لگا لہٰذا بچوں کے ساتھ بیٹھے مسافروں کو فلائٹ میں آنکھیں بند کرنا پڑیں‘ -
دشمن ایجنسی کی مدد سے چینی باشندوں کو نشانہ بنایا گیا، کراچی ائیرپورٹ کے قریب حملے کا مقدمہ درج
کراچی ائیرپورٹ سگنل کے قریب چینی باشندوں پر ہونے والے حملے کا مقدمہ درج کر لیا گیا پولیس حکام کے مطابق کراچی ائیر پورٹ کے قریب چینی باشندوں پر ہونے والے حملے کا مقدمہ سی ٹی ڈی تھانے میں ایس ایچ او تھانہ ائیرپورٹ کلیم موسیٰ کی مدعیت میں درج کیا گیا ہےمقدمے کے متن میں کہا گیا ہے کہ دھماکے میں چینی باشندوں کے اسکواڈ کو نشانہ بنایا گیا، چینی باشندوں کا اسکواڈ ائیرپورٹ سے شارع فیصل جا رہا تھا، دھماکے کی ذمےداری کالعدم تنطیم بی ایل اے نے قبول کی متن میں کہا گیا ہے کہ حملہ ملک کی ساکھ کو نقصان پہنچانے کیلئے کیا گیا، حملے میں 2 چینی باشندوں سمیت 3 افراد جاں بحق ہوئے، دھماکے میں 15 گاڑیاں متاثر ہوئیں، ایک پولیس موبائل بھی تباہ ہوئی، حملے میں رینجرز اہلکار حبیب اللہ زخمی ہوا
-
کیمسٹری کا نوبیل انعام پروٹینز پر کام کرنے والے 3 سائنسدانوں کو دینے کا اعلان
رائل سوئیڈش اکیڈمی آف سائنسز نے 2024 کے نوبیل انعام برائے کیمیا کا اعلان کردیا ہےکیمسٹری کے شعبے میں 2024 کا نوبیل انعام 3 سائنسدانوں کو مشترکہ طور پر دینے کا اعلان کیا گیا امریکا کی واشنگٹن یونیورسٹی سے تعلق رکھنے والے ڈیوڈ بیکر، جبکہ گوگل ڈیپ مائنڈ کے برطانیہ سے تعلق رکھنے والے سائنسدانوں Demis Hassabis اور جان ایم جمپر کو یہ اعزاز زندگی کی بنیاد سمجھے جانے والے پروٹینز کے اسٹرکچر پر کیے جانے والے کام پر دیا گیارائل سوئیڈش اکیڈمی آف سائنسز کے مطابق کیمسٹری کا آدھا نوبیل انعام امریکا کے ڈیوڈ بیکر کو کمپیوٹیشنل پروٹین ڈیزائن جبکہ باقی آدھا انعام گوگل ڈیپ مائنڈ کے ماہرین کو پروٹین اسٹرکچر کی پیشگوئی پر دیا جا رہا ہےان سائنسدانوں نے پروٹینز کے راز کمپیوٹنگ اور آرٹی فیشل انٹیلی جنس (اے آئی) کے ذریعے دریافت کیے۔
-
شمالی کوریا کا جنوبی کوریا سے بذریعہ ریل اور سڑک رابطہ مکمل منقطع کرنے کا فیصلہ
شمالی کوریا نے جنوبی کوریا سے بذریعہ ریل اور سڑک رابطہ مکمل منقطع کرنے کا فیصلہ کیا ہے غیر ملکی میڈیا کے مطابق شمالی کوریا کی پیپلز آرمی نے گزشتہ روز اپنے پڑوسی جنوبی کوریا سے بذریعہ سڑک اور ریل رابطے مکمل منقطع کرنے کا اعلان کیا رپورٹس کے مطابق شمالی کورین فوج نے رابطے مکمل طور پر منقطع کرنے کی وجہ جنوبی کوریا میں ہونے والی جنگی مشقوں اور امریکی حکام اور حمایتیوں کے مسلسل دوروں کو قرار دیاغیر ملکی حکام شمالی کوریا کی جانب سے لگائی گئی اس پابندی کو نمائشی قرار دے رہے ہیں کیونکہ دونوں پڑوسی ممالک کے درمیان تجارت سمیت دیگر تعلقات ایک طویل عرصے سے عملی طور پر منقطع ہیں۔
-
بھاری جرمانے کی ادائیگی کے بعد برازیل میں سوشل میڈیا سائٹ ایکس پر پابندی ختم
برازیل کی سپریم کورٹ نے سوشل میڈیا سائٹ ایکس ( سابق ٹوئٹر) پر عائد پابندی ختم کردی غیر ملکی میڈیا کے مطابق برازیل کی اعلیٰ عدالت کے جج الیگزینڈرا موریس نے ایکس پر پابندی ختم کرنے کا حکم دیا اور کہا کہ میں ایکس کی سرگرمیوں کی بحالی کی اجازت دیتا ہوں رپورٹ کے مطابق ایکس پر پابندی ہٹانے کا حکم سپریم کورٹ کے احکامات کی تعمیل نہ کرنے پر ایکس کی جانب سےلاکھوں ڈالرز کا جرمانہ ادا کرنے کے بعد دیا گیا واضح رہے کہ برازیلین عدالت نے ایکس کے مالک ایلون مسک سے فیک نیوز پھیلانے والوں کے خلاف کارروائی کا مطالبہ کیا تھا تاہم ایلون مسک نے برازیل میں اس مقصد کے لیے دفتر کھولنے سے انکار کر دیا تھا
-
سعودی وزیر سرمایہ کاری کل پاکستان آئیں گے، 2 ارب ڈالر کے معاہدوں پر دستخط کا امکان
اسلام آباد: پاکستان اور سعودی عرب کے درمیان 2 ارب ڈالر کے معاہدوں پر دستخط کا امکان ہےسنگ میل نیوز کے مطابق سعودی وزیر سرمایہ کاری انجینئر خالد بن عبدالعزیز الفلیح کل دو روزہ دورے پرپاکستان آئیں گے جہاں وزیراعظم شہباز شریف سعودی وفد کے اعزاز میں نجی ہوٹل میں عشائیہ دیں گےحکام کے مطابق سعودی وفد 11 اکتوبر کو نیشنل ایرو اسپیس سائنس اینڈ ٹیکنالوجی پارک کا دورہ کرے گا عسکری حکام سے بھی سعودی وفد کی ملاقاتیں 11 اکتوبر کو متوقع ہیں جب کہ اسی روز وزارتی سطح پر سعودی وفد کے ساتھ راؤنڈ ٹیبل میٹنگز بھی شیڈول ہیں
-
ہریانہ میں کانگریس کی شکست کے بعد بھارت میں ہر طرف جلیبی کا تذکرہ، ماجرا کیا ہے؟
نئی دہلی بھارت میں گزشتہ روز مقبوضہ جموں وکشمیر اور ہریانہ میں ہونے والے انتخابات کے نتائج سامنے آنے کے بعد کانگریس کی ہریانہ میں اپ سیٹ شکست کے بعد ہر طرف جلیبی کا تذکرہ عام ہےبھارتی میڈیا کے مطابق ہریانہ میں ایگزٹ پولز کے برعکس کانگریس کو شکست کا سامنا کرنا پڑا اور بی جے پی نے کامیابی حاصل کی جس کے بعد سوشل میڈیا پر جلیبی ٹرینڈ کررہا ہے اور بھارتی ٹی وی چیلز پر بھی ہر طرف جلیبی کا تذکرہ عام ہےبھارتی میڈیا کا بتانا ہے کہ ہریانہ میں کانگریس کی شکست اور اپنی فتح کے بعد بی جے پی ہریانہ کے رہنماؤں نے راہول گاندھی کے لیے ایک کلو جلیبی ان کے دہلی آفس بھیجی ہے
-
امریکی حکومت گوگل کی اجارہ داری ختم کرنے کیلئے اس کے ٹکڑے کرنے پر غور کرنے لگی
امریکی محکمہ انصاف نے آن لائن سرچ مارکیٹ میں گوگل کی اجارہ داری ختم کرنے کے لیے کمپنی کے کچھ حصے فروخت کرنے کی سفارشات عدالت کے سامنے پیش کرنے کا فیصلہ کیا ہے کمپنی کے ٹکڑے کرنے پر مشتمل ان سفارشات کا مقصد گوگل کی اجارہ داری سے آن لائن سرچ مارکیٹ کو ہونے والے نقصانات کی تلافی کرنا ہے اور اگر عدالت اس کی منظوری دیتی ہے تو یہ ایک تاریخی اقدام ہوگا 8 اکتوبر کو عدالت میں جمع کرائی گئی دستاویزات میں محکمہ انصاف نے امریکی فیڈرل کورٹ سے درخواست کی کہ وہ الفابیٹ کو سرچ رزلٹس اور آرٹی فیشل انٹیلی جنس پراڈکٹس کی تیاری سے متعلق ڈیٹا تک رسائی کا حکم دے