امریکی شکاری کا سب سے بڑی بولی دے کر چترال میں کشمیری مارخور کا شکار

امریکی شکاری رونالڈ جوویٹ نے چترال میں کشمیری مارخور کا شکار کرلیا حکام کے مطابق مارخور کے شکار کےلیے امریکی شکاری نے اکتوبر میں پاکستانی تاریخ کی سب بڑی بولی دی تھی جس میں اس نے 2لاکھ 71ہزار ڈالرز میں پرمٹ حاصل کیا تھا دوسری جانب ڈویژنل آفیسر وائلڈ لائف نے امریکی شکاری کے چترال میں کشمیری مارخور کے شکار کی تصدیق کردی ہے ڈویژنل آفیسر وائلڈ لائف فاروق نبی کے مطابق امریکی شکاری رونالڈ جوویٹ نے پاکستان کے قومی جانور مارخور کا شکار چترال میں تھوشی شاشا کنزروینسی کے مقام پر کیا، کشمیری مارخور کی عمر 11 سال جب کہ سینگ کی لمبائی 49 انچ سے زیادہ ہے